ازاى تخلى ديل الحصان يبان اعلى واتقل

كل اللى هتحتاجيه هو فرشة و توكة شعر صغيرة و 3 بنس شعر. سرحى شعرك على طريقة ديل الحصان العادية خالص وبعد كده ارفعى ديل الحصان وحطى البنس فيه من تحت بالطول بحيث تبقى الفتحة لتحت و تمسك فى شعرك وفى التوكة فى نفس الوقت علشان تثبت ، بعد كده خدى خصلة صغيرة اوى من ديل الحصان ولفيها على التوكة علشان تداريها، وثبتيها ببنسة تانية. بعد كده بايدك بالراحة اوى ريحى خصل الشعر و خليها مفرودة شوية مش مشدودة اوى ، وبكده تكونى عرفتى ازاى تخلى ديل الحصان يبان اعلى واتقل بسهولة.