تسريحة بالصور .. ازاي تعملي Upside Down Braided Bun في 3 خطوات بس
Upside Down Braided Bun بتعتبر من أحلى تسريحات الشعر اللي ممكن تعمليها في الصيف، وده مش لأنه بس شكلها حلو لكن لأنها كمان مناسبة جدا لحر الصيف و سريعة وعملية وهتنقذك في الاوقات اللي بتبقى محتاجة تعملي فيها تسريحة شعر وماعندكيش وقت او مستعجلة لأنها بتتعمل في 3 خطوات بسيطة جدا من غير تفاصيل كتير او تعب، كمان مناسبة للخروجات مع اصحابك و للستايلات الكلاسيك و الأفراح وممكن كمان يعملوها البنات الصغيرين، اعرفي معانا في المقال ده بالصورازاي تعمليها في 3 خطوات بس
بالصور .. ازاي تعملي تسريحة Upside Down Braided Bun في 3 خطوات بس
الخطوة الأولى :
سرحي شعرك كويس اوي بحيث تتخلصي من اي تشابك، وممكن تستخدم سبراي شعر او mouse عشان تدي شعرك كثافة و volume أكتر وكمان عشان يبقى مرن وانتي بتعملي التسريحة.
الخطوة الثانية :
من وراء عند اخر الرقبة اقسمي شعرك لـ 3 أقسام متساوية و ابدأي اعملي الضفيرة العادية الي متعودين عليها، او الـ French braid أو أي ضفيرىة بتحبي تعمليها وبيبقى شكلها حلو عليكي عشان تكوني 3 ضفاير منفصلة.، واقفلي على كل ضفيرة بأستك شعر صغير و بالراحة اوي سرحي الشعر الزيادة اواللي هيبقى هايش بره الضفيرة.
الخطوة الثالثة :
جمعي شعرك كله “مع الضفاير” في ديل حصان عالي او high pony tail ، وبعد كده ابدأي لفي شعرك على شكل bun وممكن تستخدمي التوكة المخصصة للـ bun أو تستغني عنها لو مش متوفرة، بعد كده ثبتي الشعر الزيادة تحت الـ bun وكملي تثبيت باستخدام توكة رفيعة او بنسة ودبابيس شعر مناسبة، وبكده تكوني جاهزة وفي وقت قياسي من غير تعب ولا مجهود.
فيديو الخطوات كاملة:
اعرفي معانا كمان بالخطوات 16 طريقة سهلة وافكار ستايلات مختلفة تعملي بيهم القوصة
