افضل تنسيقات الوان لدولابك في الشتا

ريهام محمود
ريهام محمود
146

معظمنا في الشتا دولابنا بيبقى ما بين الاسود والرمادي والالوان الغامقة ، ولكن الشتا ليه الوانه المميزة اللي فيها حياة ، وجيه الوقت انك تغيري دولابك من الالوان التقليدية الغامقة لالوان شتوية مميزة للموسم ده ، تابعي معانا السطور الجايه واتعرفي على افضل تنسيقات الالوان للشتا.

افضل تنسيقات الالوان للشتا:

الوان الشتا الغنية:

– العنابي: اللون البورجوندي او العنابي من الالوان المثالية للشتا.

– الاخضر الزمردي: اللون ده من الالوان اللي هتدي موجة من الحياة وسط لوحة الشتا الباردة.

– الازرق البحري: كمان من الالوان اللي ممكن تضيفيها لدولابك في الموسم ده.

افضل تنسيقات الالوان للشتا
افضل تنسيقات الالوان للشتا

الوان الشتا الناعمة المحايدة:

– الكريمي والبيج: في بعض الاوقات بيكون الاقل هو الاكتر ، الالوان المحايدة ميزتها انك تقدري تنسقيها على اي لون تاني في دولابك ، ممكن تبقى خلفية مثالية للوك جريء ، او تلبسيها لوحدها من غير اضافات اي الوان تانية للحصول على لوك طبيعي وبسيط.

– الرمادي الناعم: من درجات الالوان المناسبة للشتا ، ومتعدد الاستخدامات وتقدري تنسقيه مع الوان كتير ، وممكن تلبسيه بسهولة في ملابس كاجوال او رسمية.

افضل تنسيقات الالوان للشتا 2

الالوان الباستيل:

– اللافندر: اللافندر هيدي اللوك لمسة من النضارة وسط البرد ، سواء كان سكارف او بلوفر ، اللافندر بيضيف لمسة من الاناقة للوك بتاعك.

– الازرق الجليدي: من انسب الالوان الشتوية اللي ممكن تضيفيها لدولابك السنة دي.

افضل تنسيقات الالوان للشتا 3

الالوان الشيمر:

– الفضي والدهبي: سواء في الاكسسوارات او في قطع الملابس ، اللمسة المعدنية ممكن ترفع مستوى اللوك الشتوي بتاعك.

المزج بين الالوان:

المزج بين الالوان هيدي حياة للوك بتاعك وهيظهره اكتر ، حاولي تنسقي مثلا توب عنابي مع بنطلون رمادي ناعم ، او البسي بالطو باللون البيج فوق فستان زمردي ، افتكري دايما انك تمزجي بين الالوان الشتوية اللي تضيفلك طابع خاص بيكي.

الخامة مهمة:

واحنا بنضيف الالوان لدولابنا ، ماننساش الخامة ، الالوان العميقة بتحتاج يكون خامتها مخمل او تريكو ، في حين ان الالوان الباستيل بتكون مثالية في الصوف والحرير ، وبالنسبة للاكسسوارات اختاري القطع اللي تكمل اللوك بتاعك.

افضل تنسيقات الالوان للشتا 4

افكار تنسيقات الوان تستوحي منها اللوك بتاعك:

القطع التريندي للموسم ده والقطع اللي خرجت من الموسم

القطع التريندي للموسم ده والقطع اللي خرجت من الموسم

مقالات متعلقه

موضة الفستان المضلع لموسم الشتا

موضة الفستان المضلع لموسم الشتا

القطع التريندي للموسم ده والقطع اللي خرجت من الموسم

القطع التريندي للموسم ده والقطع اللي خرجت من الموسم

ستايلات كاجوال تريندي لموسم الشتا

ستايلات كاجوال تريندي لموسم الشتا