ازاي تجددي دولابك وتخليه على الموضة

ريهام محمود
ريهام محمود
246

لو ماحدثتيش دولابك بقالك كام سنة ، ومش متأكدة ايه اللي تحتفظي بيه وايه اللي تستغني عنه ، تابعي معانا موضوعنا واعرفي ازاي تجددي دولابك ، ويبقى عندك قطع على الموضة ، وازاي تلبسي نفس القطع بشكل احدث ومختلف.

ازاي تجددي دولابك:

– تحديث القطع الاساسية في دولابك:

لو عندك كارديجان قصير ، هو مازال موضة وتقدري تنسقيه مع جينز وتيشرت ، ولكن لو عايزة لوك افضل واحدث ، اختاري الكارديجان الاطول الفضفاض المترهل لان هو الستايل الاحدث ، نسقيه مع جينز ازرق او ملون حسب ذوقك.

– حافظي على اكسسوارات بسيطة:

ستايل السكارف مع الحزام من اللوك الموضة من كام سنة ، وعلى الرغم من انه مازال ممكن تلبسيه ومابطلش ، ولكن الافضل انه في اللوك اليومي بتاعك تخليه مريح اكتر وتستغني عن السكارف ، ممكن تلبسي شنطة كروس بحزام جلد النمر.

– وازني بين البوت الطويل والجينز:

البوت الطويل من الستايلات الكلاسيكية اللي ليها شعبية كبيرة ، ولكن شكلها قديم لما تلبسيها مع الجينز ، الافضل تلبسي الانكل بوت هيخلي اللوك اخف.

ازاي تجددي دولابك
ازاي تجددي دولابك

– حدثي التيشرت بتاعك:

التيشرت الاوفر سايز ممكن تستبدليه بتيشرت اصغر او مناسب للجسم اكتر بدل التيشرت الواسع ، ودخليه جوه البنطلون الجينز.

– ضيفي البليزر لدولابك:

الجاكيت البومبر او المنفوخ ، من القطع اللي موجودة في دولاب كتير مننا ، ولكن البليزر دلوقتي من القطع التريندي جدا والكلاسيكية اللي ممكن تضيفيها لدولابك ، نسقيه مع تيشرت وجينز للوك انيق ، مع شنطة كروس صغيرة.

ازاي تجددي دولابك 2

– اختاري الالوان المحايدة:

الشرابات الملونة جالها فترة كانت موضة ، الا انه حاليا الموضة دي قدمت ، البسي بدالها انكل بوت بلون بني فاتح، هتديكي لوك كلاسيكي بسيط ، البسي معاها جيبة بكُسر ضيقة بدل الكُسر الواسعة ، مع سويتر صوف رمادي، وممكن تضيفي لمسة لون للسويتر لو حابه ، او تخلي اللوك مشابه للوك الاصلي بقدر الامكان.

– تحديث الاكسسوارات:

اللوك القديم موجود فيه حزام بلون مختلف ، ولكن اللوك ده مش افضل حاجة ، عشان كده في اللوك الاحدث استغني عن الحزام.

ازاي تجددي دولابك 3

– اعتمدي على قطع جودتها اعلى:

الجاكيت الجلد مش بيتأثر بالزمن ومن القطع اللي مش بتبطل ، ولكن القديم هنلاحظ انه من الجلد الصناعي ، حدثيه بجاكيت بجودة جلد اعلى بقصة متطابقة او مختلفة حسب ما تفضلي ، وطبعا ماتنسيش تحديث الجزء اللي تحت من اللوك.

– اتمسكي بالالوان بالمحايدة:

على الرغم من عودة البنطلونات الملونة ، الا انه من الافضل التمسك بالالوان المحايدة اغلب الوقت ، زي الزيتوني, الكحلي, البني ، الالوان دي مش بتبطل مع مرور الزمن ، كمان البنطلون بدل السكيني حدثيه ببنطلون برجل واسعة قصير لانه احدث ، وكملي اللوك بعقد واسورة دهبي كلاسيكية.

ازاي تجددي دولابك 4

مقالات متعلقه

القطع التريندي للموسم ده والقطع اللي خرجت من الموسم

القطع التريندي للموسم ده والقطع اللي خرجت من الموسم

ستايلات موضة للخريف والشتا السنة دي

ستايلات موضة للخريف والشتا السنة دي

ستايلات البنطلونات الجينز التريندي في 2023

ستايلات البنطلونات الجينز التريندي في 2023