افضل زيوت للشعر الخفيف هتساعدك على تكثيفه

ريهام محمود
ريهام محمود
في
شعر
527

زيوت الشعر تعتبر جزء اساسي من روتين العناية بشعرنا ، وانواع الزيوت الموجودة كتير جدا وكل واحد فيهم ليه استخدامات وفوايد مختلفة ، والنهاردة من خلال موضوعنا هنتعرف على افضل زيوت لتكثيف الشعر وزيادة نموه ومنع تساقط الشعر.

افضل زيوت لتكثيف الشعر:

1- زيت جوز الهند:

زيت جوز الهند هو علاج معروف لكتير من مشاكل الشعر ، زيت جوز الهند غني بحمض اللوريك اللي ليه خصائص مضادة للجراثيم بتخلي البكتيريا بعيدة عن فروة الراس ، بالاضافة ان الزيت مليان بالعناصر الغذائية والبروتينات اللي بتساعد على منع تساقط الشعر ، وده بدوره هيساعد على زيادة نمو وطول الشعر وتكثيفه.

وافضل طريقة لاستخدام زيت جوز الهند ، سخني ¼ كوباية من زيت جوز الهند ودلكي بيه الشعر وفروة الراس ، وغطي شعرك بقبعة استحمام او كيس بلاستيك للاحتفاظ بالرطوبة ، سيبيه على الشعر حوالي نص ساعة وبعدها اغسليه.

افضل زيوت لتكثيف الشعر
افضل زيوت لتكثيف الشعر

2- زيت اللوز:

زيت اللوز بيحتوي على احماض دهنية بتساعد على ترطيب فروة الراس ، بالاضافة ان زيت اللوز غني بفيتامين E اللي بيساعد على تقليل اضرار التلوث والحرارة وبيمنع تقصف الشعر.

دلكي زيت اللوز على الشعر وفروة  الراس قبل غسله ، وممكن تمزجيه مع الافوكادو المهروس وتحطي المعجون على شعرك وسيبيه لمدة 30 دقيقة ، وبعدها اغسليه ، كرري الوصفة دي في كل مرة تغسلي فيها شعرك.

افضل زيوت لتكثيف الشعر 2

3- زيت الزيتون:

زيت الزيتون بيحتوي على مضادات الاكسدة اللي بتساعد على تحسين مرونة الشعر ، ويعتبر كمان بلسم طبيعي للشعر وافضل زيت للشعر الجاف الخفيف.

وافضل طريقة لاستخدامه ، هاتي ½ كوباية من زيت الزيتون وسخنيها وافركيه على فروة الراس وعلى الشعر كله ، وبعدها اغسليه بالشامبو والبلسم بالطريقة العادية ، كرري الوصفة مرة واحدة في الاسبوع.

افضل زيوت لتكثيف الشعر 3

4- زيت الارجان:

زيت الارجان يعتبر من افضل الزيوت للشعر الخفيف لانه بيحتوي على مستويات عالية من مضادات الاكسدة وفيتامين E والاحماض الدهنية الاساسية ، والعناصر دي بتساعد على تغذية فروة الراس وزيادة نمو الشعر بشكل صحي.

افضل طريقة لاستخدامه ، دفي كمية من الزيت الارجان في راحة ايدك ودلكي بيه شعرك وفروة راسك ، سيبي الزيت على شعرك كام ساعة او طول الليل ، وبعدها اغسليه بالطريقة العادية.

افضل زيوت لتكثيف الشعر 4

5- زيت النعناع:

زيت النعناع معروف بخصائصه المبردة والمهدئة ، واللي ممكن تساعد في تحسين الدورة الدموية وزيادة نمو الشعر ، بالاضافة انه بيحتوي على خصائص مضادة للميكروبات ، واللي ممكن تساعد في تقليل تهيج فروة الراس والقشرة ، ويعتبر من افضل الزيوت الاساسية للشعر الخفيف.

افضل استخدام لزيت النعناع ، اخلطي كام نقطة من زيت النعناع مع اي زيت ناقل زي زيت الجوجوبا او زيت جوز الهند ، ودلكي شعرك وفروة راسك بالخليط ، سيبيه على الشعر لمدة 15 – 20 دقيقة ، وبعدها اغسلي الشعر بالطريقة العادية.

افضل زيوت لتكثيف الشعر 5

فوايد استخدام الزيوت للشعر:

– التغذية والترطيب:

الزيت هيوفر التغذية والترطيب اللازمين لبصيلات الشعر وفروة الراس ، وده هيساعد في منع ترقق الشعر وتكسره ، وفروة الراس المتغذية بشكل كويس هتساعد على تحفيز نمو الشعر.

– تحسين الدورة الدموية:

التدليك بالزيت بيساعد على تحسين الدورة الدموية ، وده بدوره هيساعد على تقوية جذور الشعر ومنع تساقط الشعر ، تحسين تدفق الدم ممكن انه يأدي كمان لتوصيل العناصر الغذائية الاساسية لبصيلات الشعر ، وده هيساعد على زيادة نمو الشعر بشكل صحي.

– الحفاظ على فروة راس صحية:

الاستخدام المنتظم لزيوت الشعر ممكن انه يساعد على تقليل القشرة والتهابات فروة الراس ، واللي تعتبر من اسباب ترقق الشعر ، كمان الخصائص المضادة للفطريات والميكروبات الموجودة في بعض الزيوت ممكن تساعد في الحفاظ على فروة الراس نضيفة وصحية.

– حماية الشعر:

زيت الشعر بيعمل حاجز وقائي ضد العوامل البيئية زي التلوث والظروف الجوية القاسية ، اللي ممكن تضر شعرك وتسبب ترققه ، بالاضافة ان الزيوت بتحافظ على الرطوبة ، وده بدوره هيمنع جفاف وتكسر الشعر.

– تحسين نسيج الشعر:

زيوت الشعر بتساعد على تحسين مظهر وملمس الشعر ، وده هيخليه اكتر لمعان ونعومة وكثافة ، كمان الرطوبة والتغذية اللي بيضيفها الزيت للشعر هتساعد على تقليل الهيشان ومنع تقصف الاطراف.

افضل زيوت لتكثيف الشعر 6

مقالات متعلقه

ازاي تستخدمي خل التفاح كبلسم للشعر

ازاي تستخدمي خل التفاح كبلسم للشعر

علاجات منزلية لاصلاح الشعر التالف

علاجات منزلية لاصلاح الشعر التالف

شامبو العسل الطبيعي لعلاج مشاكل الشعر

شامبو العسل الطبيعي لعلاج مشاكل الشعر