افضل زيوت لعلاج اطراف الشعر المتقصفة

ريهام محمود
ريهام محمود
في
شعر
509

كتير من البنات بيعانوا من مشكلة الاطراف المتقصفة ، وتقصف الاطراف دي علامة ان في مشكلة كبيرة في صحة شعرك ، وان كان قص اطراف الشعر يعتبر واحد من من الحلول لمشكلة تقصف اطراف الشعر ، ولكن اكيد مش هنحب اننا نفقد من طول شعرنا في كل مره نقصه ، طيب ايه هو العلاج المثالي للاطراف المتقصفة واللي ممكن يحط حد للمشكلة؟ النهاردة هنقولك على افضل زيوت لعلاج اطراف الشعر المتقصفة ، واللي هتساعدك على تنعيم الشعر واستعادة وتغذية اطراف الشعر الباهتة والتالفة.

طريقة استخدام الزيت بطريقة صح:

قبل ما نعرف افضل الزيوت لعلاج اطراف الشعر المتقصفة ، اتعرفي الاول على طريقة استخدامه ، الزيت الطبيعي ممكن يبقى علاج فعال للشعر لو عرفتي تستخدميه بالطريقة الصح.

– اول حاجة اختاري نوع الزيت المناسب ليكي من القايمة اللي هنعرفها دلوقتي مع بعض ، واتأكدي انك ماعندكيش حساسية منه ، باختباره في مكان صغير الاول ، ولو بتستخدمي زيت عطري قبل استخدامه اتأكدي من خلطه بزيت ناقل لتخفيفه.

– اغسلي شعرك بالشامبو وجففيه بالفوطة.

– خدي كام نقطة من الزيت ، وافركيها في راحة ايدك ، وبعدها وزعي الزيت من نص الشعر للاطراف.

– سيبي الزيت على شعرك مدة كافية لحد ما الشعر يتشرب الزيت كويس.

افضل زيوت لعلاج اطراف الشعر المتقصفة
افضل زيوت لعلاج اطراف الشعر المتقصفة

افضل زيوت لعلاج اطراف الشعر المتقصفة:

1- زيت جوز الهند:

زيت جوز الهند من الزيوت المعروفة اللي اثبتت فعاليتها لعلاج اطراف الشعر المتقصفة والشعر التالف ، زيت جوز الهند هو مرطب طبيعي للشعر وفروة الراس ، بيساعد على تنعيم الشعر ، ويعتبر من افضل العلاجات لاطراف الشعر المتقصفة وبيحافظ على الشعر صحي.

افضل زيوت لعلاج اطراف الشعر المتقصفة 2

2- زيت الارجان:

لو عايزة تتخلصي من اطراف الشعر المتقصفة ، جربي زيت الارجان اللي بيساعد على حماية الشعر من التلف من الجذور للاطراف ، وبيوفر النعومة للشعر ومنع الهيشان ، بيساعد كمان على علاج تكسر الشعر وتساقطه ، وده بدوره هيساعد على نمو شعر اطول واكتر كثافة ، تقدري تحطي زيت الارجان على فروة راسك او على شعرك بالكامل ، او على اطراف الشعر بس.

افضل زيوت لعلاج اطراف الشعر المتقصفة 3

3- زيت اللوز:

زيت اللوز بيحتوي على كمية عالية من فيتامين E اللي بيساعد على تقوية الشعر وعلاج اطراف الشعر المتقصفة وتساقط الشعر ، وفيتامين E يعتبر مضاد طبيعي للاكسدة ، وده بيساعد على تعزيز نمو الشعر واضافة لمعان ونعومة للشعر.

افضل زيوت لعلاج اطراف الشعر المتقصفة 4

4- زيت اللافندر:

لو عايزة حل لعلاج اطراف الشعر المتقصفة جربي الزيوت العطرية لنمو الشعر وصحته ، وتقدري تمزجيها مع زيوت حاملة من اختيارك ، زي زيت جوز الهند, زيت الزيوت او غيره من الزيوت ، وزيت اللافندر غير انه بيساعد على علاج اطراف الشعر المتقصفة وتعزيز نمو الشعر ، كمان بيسيب ريحة حلوة مهدئة على شعرك.

افضل زيوت لعلاج اطراف الشعر المتقصفة 5

5- زيت الخروع:

زيت الخروع يعتبر من افضل الزيوت لعلاج تكسر الشعر وتقصف الاطراف ، باستخدام زيت الخروع للشعر ، تقدري تقللي فرص ترقق الشعر وتكسره ، بالاضافة ان استخدام ماسكات زيت الخروع على شعرك مفيد لفروة راسك ، وبيساعد على منع القشرة وكمان زيادة نمو الشعر.

افضل زيوت لعلاج اطراف الشعر المتقصفة 6

6- زيت الزيتون:

زيت الزيتون بيحتوي على مكونات ترطيب قوية ، زي حمض الاوليك والسكوالين ، عشان كده هو فعال جدا لتنعيم وترطيب اطراف الشعر المتقصفة ، كمان الاستخدام المنتظم لزيت الزيتون بيساعد على منع ظهور الاطراف المتقصفة عن طريق الحفاظ على مرونة ورطوبة الشعر.

افضل زيوت لعلاج اطراف الشعر المتقصفة 7

7- زيت شجرة الشاي:

زيت شجرة الشاي كمان واحد من الزيوت اللي ممكن تساعدك على علاج اطراف الشعر المتقصفة ، الاضافة لعلاج الهيشان والتلف ، زيت شجرة الشاي بيرطب الشعر وفروة الراس ، بيمنع القشرة ، بيقلل من الاطراف المتقصفة والتالفة ، كمان بيزود من نمو الشعر بشكل صحي ، بالاضافة انه بيتحكم في انتاج الزيت في فروة راسك بالتالي هو مفيد جدا للشعر الدهني ، ممكن تمزجي زيت شجرة الشاي مع اي نوع من الزيوت الحاملة المختلفة قبل استخدامه على شعرك.

افضل زيوت لعلاج اطراف الشعر المتقصفة 8

مقالات متعلقه

ازاي تستخدمي خل التفاح كبلسم للشعر

ازاي تستخدمي خل التفاح كبلسم للشعر

علاجات منزلية لاصلاح الشعر التالف

علاجات منزلية لاصلاح الشعر التالف

شامبو العسل الطبيعي لعلاج مشاكل الشعر

شامبو العسل الطبيعي لعلاج مشاكل الشعر