قطع تريندي لموسم الخريف السنة دي
تغيير ما بين المواسم دايما بيكون محير جدا بالنسبة لنا ، لان الجو بيكون مش مستقر ما بين حر وبرد وتراب ، عشان كده النهاردة من خلال موضوعنا هنشارك معاكم اكتر قطع تريندي لموسم الخريف السنة دي تناسب كل تغييرات الجو.
قطع تريندي لموسم الخريف:
1- الالوان الخريفية:
اول حاجة لازم نغيرها هي الالوان ونختار الالوان الخريفية ، اللي بتعتمد على الالوان الدافية زي الاصفر المايل للمسطردة, البرتقاني المحروق, الاخضر الزيتوني, النبيتي الغامق.
2- الخامة المنسوجة:
الخامة المنسوجة وهو بيكون قماش متين وقوي مضلع ، وهو من القطع المناسبة لموسم الخريف لانها بتكون ولا خفيفة ولا تقيلة اوي ، سواء كان بنطلون, جاكيت, جيبة.
3- خامة الكتان:
الكتان من الخامات الخفيفة جدا المناسبة لموسم الخريف ، ومناسبة للجو الانتقالي ما بين المواسم ، ومناسب انه يتلبس كطبقات.
4- سويتر سميك:
السويتر السميك من القطع الاساسية للخريف والشتا ، هتديكي الدفء والاناقة.
5- الجينز برجل واسعة:
استبدلي الجينز السكيني بتاعك ، بالجينز اللي رجله واسعه ، هيوفرلك لوك مريح وانيق في اي وقت.
6- الفستان الطويل:
استمتعي بأجواء الخريف مع الفساتين الطويلة بألوان طبعات غنية ، مع الانكل بوت ، او الشوز بكعب عريض.
7- قطع من الجلد الصناعي:
ضيفي لمسة جريئة لدولابك ، سواء جاكيت جلد, بنطلون, جيبة, وحتى اكسسوارات.
8- طبعات الحيوانات:
طبعات الفهد, التعبان, الحمار الوحشي ، مازالت مستمرة ومسيطرة على الموضة.
9- الشيرلينج جاكيت:
استمتعي بالدفء والاناقة مع الشيرلينج جاكيت ، وتعتبر قطعة عصرية للايام الباردة ، الجاكيت بيتميز بياقة كبيرة ، وتقدري تلبسيه فوق اي ملابس شتوية في دولابك.
10- نقشة الكاروه:
نقشة الكاروه من النقشات اللي مش بتبطل سواء للبليزر, الجيبة, السكارفات الكبيرة ، وده بيخليها مثالية للوك خريفي كلاسيكي.
11- البليزر المطبوع:
البليزر المطبوع او المنقوش من القطع العصرية المناسبة لمناسبات كتير ، ارفعي مستوى اللوك بتاعك ببليزر انيق بألوان جريئة او طبعات مميزة.
12- خامة التويد:
خامة التويد من الخامات التقيلة المناسبة لموسم الخريف ، سواء بليزر, جيبة, او جاكيت.
13- خامة الفلفيت:
الفلفيت او المخمل من الخامات المناسبة للخريف ، ممكن تلسبي بليزر فلفيت, توب, او تدمجيه في اللوك من خلال الاكسسوارات المخملية زي شنطة الايد, البوت, باندانا الشعر.
14- الاكمام المنفوخة:
الستايل ده مناسب للربيع, الصيف, الخريف, الشتا ، وبيديكي لوك مميز وانثوي ، سواء في البلوزات, الفساتين, وحتى السويتر.
15- الفساتين الصوف:
الفساتين الصوف من القطع المناسبة جدا لموسم الخريف ، وبتكون مناسبة جدا تنسقيها م شراب او بوت طويل لحد الركبة لمظهر انيق.
16- الياقات المميزة:
الياقات المميزة على البلوزات او الفساتين المزينة بالكشكشة او الزخارف والالوان المتباينة.
17- السويتر رقبة السلحفة:
يعتبر قطعة اساسية في فصل الخريف ، هيديكي لمسة كلاسيكية ومتطورة سواء هتلبسيه لوحده او طبقات.
18- بوت طويل للركبة:
كملي اللوك الخريفي بتاعك ببوت طويل للركبة ، سواء من الجلد الاسود الكلاسيكي او الالوان الجريئة.
19- الكارديجان الصوف:
الكارديجان الصوف من القطع المريحة المناسبة للخريف ، واللي تقدري تعملي بيها طبقات بسهولة.
20- بنطلون بوسط عالي:
بنطلون كلاسيك بوسط عالي من الستايلات المناسبة لكل المناسبات سواء كاجوال او فورمال.
21- الحزام:
ضيفي للوك بتاعك ، باضافة حزام مميز بابزيم بشكل مختلف ، او بتصميمات جريئة.
22- اللوك الاحادي اللون:
اعتمدي الاتجاه الاحادي اللون من خلال لبس درجات مختلفة من نفس اللون.
23- الجاكيت المبطن:
استمتعي بالدفا والاناقة مع الجاكيت المبطن.
24- القبعات:
القبعات من الاكسسوارات المميزة لموسم الخريف بكل اشكالها واستايلاتها.
25- الجيبة الميدي:
الجيبة الميدي او متوسطة الطول من القطع المناسبة للخريف ، سواء بخامة الجينز, الساتان, الفلفيت.
26- التفاصيل المطرزة:
ضيفي لمسة جمال من خلال التفاصيل المطرزة على البلوزات, الفساتين, او حتى الجينز.
27- البليزر الاوفرسايز الطويل:
اختاري لموسم الخريف بليزر افرسايز طويل بألوان جريئة او طبعات مميزة ، ونسقيه مع البنطلون او الفساتين.
28- السكارف الكبير المطبوع:
البسي السكارف بطبعات جريئة او خامات منسوجة لموسم الخريف.
29- البلوزات المستوحاه من العصر الفيكتوري:
استمتعي برومانسية العصر الفيكتوري مع البلوزات اللي رقبتها عالية, التفاصيل الدانتيل, الاكمام المنفوخة.
30- البوت السميك:
استمتعي بستايل البوت السميك وتصميم الاربطة ، اللي هيضيف لمسة اناقة لملابسك الخريفية.
31- السويت شيرت المرسوم:
استمتعي بالراحة والاناقة مع السويت شيرت المرسوم بتصاميم وطبعات مميزة ، ممكن تلبسيه مع الجينز او الجيبة للوك كاجوال وعصري.
32- الحلقان:
الحلقان الكبيرة او بالاشكال الهندسية ، هتضيف لمسة اناقة لملابسك الخريفية.
33- التريكو المضلع:
اختاري الملابس التريكو المضلعة لموسم الخريف ، سواء السويتر او الفساتين.
34- الجاكيت الكاب:
الجاكيت الكاب من القطع اللي هتضيف اناقة للوك الخريفي بتاعك.
35- الجيبة الكُسر:
ادمجي الجيبة الكُسر للوك الخريفي بتاعك ، سواء متوسطة الطول او الطويلة.
36- الطبعات الجريئة:
جربي الطبعات الجريئة زي الاشكال الهندسية, زخارف الورد ، هتضيف لمسة حيوية لدولابك في الخريف.
37- الخامة الجلد:
ضيفي لمسة من الاناقة مع خامة الجلد ، زي البلوزات, الجيبات, الجاكيت الجلد.
38- الفستان رقبة السلحفة:
زي ما قولنا ان السويتر رقبة السلحفة من القطع الاساسية لموسم الخريف ، كمان فساتين رقبة السلحفة من القطع المناسبة للوك الخريفي.
39- الشرابات الصوف:
البسي الشرابات الصوف الملونة, المطبوعة, او اللي فيها زخارف مميزة ، لاضافة عنصر ممتع لملاسك الخريفية.