15 قطعة اكسسوار اساسية هتحسن اللوك بتاعك
الاكسسوارات بتأثر على اللوك بتاعك بشكل كبير ، ممكن تحسنه او تبوظه ، وكلنا عندنا قطعة اكسسوار او اكتر بنلبسها بشكل يومي ، سواء خاتم, سلسلة, خلخال ، لان اكسسواراتك الاساسية بتميز شخصيتك وبتخليكي مش شبه حد تاني ، لو بتدوري على قطع اكسسوارات اساسية جديدة تضيفيها لملابسك اليومية ، ماتدرويش كتير ، النهاردة هنشارك معاكي قطع اكسسوارات اساسية هتناسب اي لوك وهتحسنه.
قطع اكسسوارات اساسية:
1- اسورة اماريس دهبي Gold Amaris Bracelet:
الستايل ده من الاساور هيتناسب بشكل مثالي مع اي حاجة في دولابك ، تقدري تلبسية لاطلالاتك اليومية ، او في مناسبة خاصة ، او في الاتنين ، واتأكدي انك هتسيبي انطباع.
2- سلسلة باللؤلؤ:
لو انتي من محبين اللؤلؤ وبتدوري على حاجة تلبسيها بشكل يومي ، السلسلة اللؤلؤ دي هتبقى اختيار مثالي ليكي ، تقدري تلبسيها في طبقات او لوحدها ، نسقي معاها حلق دهبي او حلق لؤلؤ عشان تكملي اللوك.
3- خلخال بيبي بافيه الكوبي Baby Pave Cuban Link Anklet:
الخلخال هو طريقة سهلة جدا لتحسين اللوك بتاعك من غير اي مجهود ، والخلخال ده هتلاقي منه باللون الدهبي والفضي او الدهبي الوردي ، اختاري اللون المفضل ليكي.
4- عقد اير The Eir Necklace:
العقد ده اتسمى على اسم الهة الشفاء عند القدماء ، لو انتي من محبين الاكسسوارات اليونانية والمصرية الاصيلة ، جربي القطعة دي ، وتقدري تلاقيه باللون البرونز او الفضي وهتلاقي منه سلسلة طويلة او عقد على الرقبة ، وتقدري تنسقي معاه حلق نفس الستايل مع اسورة.
5- حلق نبضات القلب دهبي:
لو بتدوري على حلق تلبسيه كل يوم ، حلق نبض القلب الدهبي هيكون اضافة رائعة لمجموعتك ، والحلقان دي مميزة جدا مش هتلاقي اشخاص لابسين الحلق ده كل يوم ، والتصميم وزنه خفيف وانيق وده يخليه من قطع الاكسسوارات الاساسية اليومية اللي ممكن تجربيها.
6- سلسلة ريجي Reggie Chain:
الستايل ده من السلاسل لان تصميها بسيط جدا ، فهي مناسبة تلبسيها بشكل يومي على اي حاجة في دولابك ، تقدري تلبسيها في طبقات مع سلسلة تانية او تلبسيها لوحدها ، وهتلاقيها باللون الدهبي او الفضي وبتصميم اقصر او اطول.
7- خاتم روبي الدهبي:
القطعة دي كمان من قطع الاكسسوارات المميزة اللي ممكن تضيفيها لمجموعة اكسسواراتك ، ومن ستايل الخواتم اللي ممكن تليق على اي شكل صوابع لاي شخص.
8- اسورة سلسلة كوبي فضي Silver Cuban Curb Chain Bracelet:
لو بتحبي الاكسسوارات الضخمة شوية ، الاسورة دي هتكون مناسب ليكي ، ممكن تلبسيه في طبقات مع اساور بستايلات مختلفة ، وتقدري تلبسي معاه سلسلة بنفس الستايل ، والاسورة دي مناسبة لكل الاوقات وفي اي مناسبة.
9- حلقان هاجي هوب دهبي كريستال صغيرة Mini Crystal Gold Huggie Hoop Earrings:
لو بتحبي الاكسسوارات اللي حجمها صغير ، الستايل ده هو الاختيار المثالي ليكي ، من القطع الاساسية اللي ممكن تلبسيها كل يوم.
10- خاتم حروف دهبي:
من قطع الاكسسوارات المميزة هي الخواتم اللي بأول حروف اسمك ، وكمان بيكون هدية حلوة جدا لاي شخص لما تعمليها مخصوص بأول حروف من اسمه ، وتقدري تلبسي واحد او اتنين ، ممكن تلبسي واحد بأول حرف من اسمك ، او خاتم فيه اول حرفين من اسمك ، والخاتم ده مناسب لاي مكان ومع اي لبس.
11- السلسلة الطبقات:
السلسلة الطبقات بتبقى اكتر من ستايل مع بعض ، وبتيجي مجموعة مع بعض ، وتقدري تشتري كل سلسلة بشكل منفصل ، او تشتري المجموعة كاملة.
12- سلسلة بالاحجار الكريمة:
السلسلة بالاحجار الكريمة من قطع الاكسسوارات المميزة اللي بتضيف لك طابع شخصي ، وتقدري تضيفي حجر لكل فرد من افراد عيلتك عشان تدي السلسلة معنى اعمق ، وهتلاقي منها باللون الفضي, الدهبي, الدهبي الوردي.
13- سلسلة على شكل قلب مطرز:
السلسلة القلب المزينة بالخرز بستايل بوهيمي ، من قطع الاكسسوارات اللي ممكن تضيفيها لمجموعتك وتلبسيها بشكل يومي ، وممكن تمشي مع اي لبس في دولابك.
14- سلسلة الجسم:
سلسلة الجسم ، هي بتكون عبارة عن سلسلة كبيرة فيها قطعة حوالين الرقبة ونازلة للصدر والبطن ، وفي النهاية بتتلف حوالين الوسط.
15- سلسلة طيور:
من قطع الاكسسوارات المميزة والاساسية اللي تقدري تلبسيها كل يوم على اي لوك ، تقدري تلبسيها لوحدها او طبقات.