10 حيل رائعة للجسم هتغير حياتك

الابحاث بتظهر لنا ، بالاضافة للفطرة السليمة والخبرة الشخصية ، ان الحيل الصغيرة ممكن تساعد في حل كتير من المشاكل الشائعة والمزعجة اللي بنواجهها كل يوم ، الحيل دي ممكن تساعد على تحسين نومك ، تعزيز عملية الهضم ، منع الدموع ، وحتى علاج الفواق (الزغطة) ، والنهاردة من خلال موضوعنا هنشارك معاكم 10 حيل للجسم هتنقذك من مشاكل يومية.

حيل للجسم:

1- اشربي بالمقلوب لتقليل الفواق (الزغطة):

الفواق او الحازوقة اوالزغطة ايا كان تسميتها ، ممكن تكون مزعجة جدا وخصوصا لو في مكان عام او مع ناس ، وعشان تقللي الزغطة انتي محتاجة فورا زيادة مستوى ثاني اكسيد الكربون في مجرى الدم.

وشرب الماية بشكل مقلوب ممكن يساعدك في حل المشكلة دي ، عشان تعملي ده.

– املي كوباية بماية باردة.

– انحني عند الخصر ونزلي راسك لتحت.

– واشربي الماية من الجنب التاني من الكوباية مش زي المعتاد بتشربي من الجنب اللي قدام الفم على طول.

– ولو لزم الامر ممكن تكرري الحركة مرة تانية لحد ما الزغطة تروح.

العلاج ده ممكن يكون مش مناسب لو انتي في مكان بره البيت ، البديل انك تحاولي تحبسي نفسك لاطول فترة ممكنة ، وبعدها خرجي الزفير ببطء بقدر الامكان.

2- شرب الماية الباردة لمنع التثاؤب:

عشان تمنعي التثاؤب ، هاتي كوباية امليها ماية باردة واشربي ببطء ، الطريقة دي هتجدد الجسم وتمنع التثاؤب.

ممكن كمان تجربي تاخدي انفاس عميقة من انفك وتخرجي الزفير من الفم لحد ما تنتهي رغبتك في التثاؤب.

3- خلي عينيكي مفتوحة لمنع الدموع:

البكاء هو رد فعل عاطفي طبيعي معظمنا بيمر بيه في اوقات كتير ، ولكن في اوقات كتير بتمر علينا بنتمنى فيها حبس دموعنا خصوصا في الاماكن العامة ، لو انتي حاسه انك عايزة تعيطي وعايزة تحبسي دموعك ، افتحي عينك من غير ما ترمشي ده هيمنع تشكل الدموع ، ولو كنتي بدأتي بالفعل في البكاء وفيه دموع  ، ارمشي كذا مرة ورا بعض عشان توقفي الدموع ، كمان ادارة الوجه لاعلى والبص لفوق ممكن انه يساعد كمان على منع الدموع.

طريقة تانية كمان هو الالهاء من خلال الالم ، وعشان تعملي ده اقرصي قطعة الجلد الموجودة بين الصوباعين الابهام والسبابة ، وكل ما قرصتي نفسك بقوة اكبر ، كل ما قدرتي توقفي نفسك عن البكاء بشكل اسرع.

4- النوم على الجنب الشمال لمنع ارتجاع الحمض:

الارتجاع الحمضي اللي اعراضه بتكون احساس بحرقة في المعدة او الم حارق في منطقة اسفل البطن ، وده بيحصل غالبا بعد اكل وجبة عشا تقيلة ، لو انتي معرضة للارتجاع الحمضي ، حاولي تنامي على جنبك الشمال ، ده هيحافظ على معدتك في مستوى منخفض عن المريء ، وده هيمنع حمض المعدة يوصل للحلق.

لان حسب الدراسات الطبية ان النوم على الجنب اليمين بيسبب ارتفاع مستويات الحموضة وزيادة الارتجاع الحمضي مقارنة بالنوم على الجنب الشمال.

وفي اختيار تاني ممكن تعمليه وهو انك تمضغي لبانة بعد الوجبة وبعد وقت قصير تقدري تروحي تنامي.

5- العلاج بالضغط لتخفيف الغثيان:

لو كنتي معرضة للاصابة بدوار الحركة اثناء الطيران ، او بتعاني من الغثيان لاي سبب تاني ، جربي العلاج بالضغط عشاان تحسي بتحسن فوري.

نقطة الضغط التأموري ممكن تساعدك في التخلص من الغثيان والقيء ، وهي النقطة الموجودة بين الوترين الكبار في المعصم , وعشان تحددي النقطة قيسي عرض 3 صوابع من تحت قاعدة كف الايد.

اضغطي على النقطة دي لمدة دقايق ، وكرريها اكتر من مرة حسب الحاجة.

6- حك الاذن لوقف دغدغة الحلق:

كتير مننا ممكن يتعرض لاحساس دغدغة الحلق وتحسي انك عايزة تهرشي فيه بايدك عشان توقفي الحكة ، عشان توقفي الاحساس ده حكي الجزء الخلفي من الاذن ، ولكن اتجنبي الخدش بقوة ، الحركة دي بتحفز اعصاب الاذن وده بدوره بيأدي لحدوث منعكس في الحلقيسب تشنج العضلات ، وده بيخفف من دغدغة الحلق.

وفي طريقة تانية وهي نفخ انفك لطرد انسداد الانف ، اللي بيكون واحد من اسباب دغدغة الحلق.

طريقة تانية كمان سيطة للتخلص من دغدغة الحلق وهي شرب كوباية ماية دافية.

7- حطي قلم رصاص في الفم لتحسين المزاج:

للتخلص من الحالة المزاجية السيئة ، كل اللي هتعمليه حطي قلم رصاص في الفم بين اسنانك ، وهتبدأي تحسي بالتحسن في وقت قصير ، لان وضع القلم الرصاص في الفم بينشط نفس العضلات المستخدمة عند الابتسامة ، وده بدوره بيطلق الدوبامين والسيروتونين في الدماغ ، وده بيثير الشعور بالسعادة.

8- امشي على قاعدة 20-20-20 لتقليل اجهاد العين:

كتير مننا بيشتغل على جهاز الكمبيوتر طول اليوم تقريبا ، وده في نهاية اليوم هيأدي لاجهاد العين وحتى كمان الصداع الشديد في بعض الاحيان.

لحل المشكلة دي ، امشي على قاعدة 20-20-20 لكل 20 دقيقة بتقضيها باصه لشاشة الكمبيوتر ، وهي انك كل 20 دقيقة تبصي لمدة 20 ثانية على حاجة بعيدة عنك بحوالي 20 قدم ، استخدمي التكنيك ده بانتظام لتقليل اجهاد العين.

وفي نفس الوقت ضروري انك ترمشي كتير عشان العين مايحصلش فيها جفاف ، وماتنسيش كمان انك تدي عينك استراحة من البص للشاشة طول الوقت.

9- هزي راسك من جنب للتاني للتخلص من تنميل الايدين:

اوقات لو ايدك فضلت مضغوطة او سانده عليها لوقت طويل ، بتحسي انها متخدرة ومش بتقدري تحركيها اللي احنا بنسميه “تنميل” الايد ، وللتخلص من التنميل ده كل اللي هتعمليه هزي راسك من جنب للتاني ، لان لما ايد بيحصل فيها تنميل الاعصاب اللي في رقبتك بتبقى مضغوطة ، وهز الراس من جنب للتاني بيخفف من الضغط على اعصاب رقبتك وبالتالي ده هيخليكي تحسي براحة فورية وهيخلصك من احساس التخدير او التنميل.

وفي طريقة تانية انك تهزي ايدك المصابة بلطف لمدة دقايق.

10- اظبطي ساعة جسمك الداخلية من خلال الاكل:

غالبا الاشخاص اللي بياخدوا ورديات شغل او بيسافروا كتير بيواجهوا تحديات في النوم والصحيان في اوقات مختلفة عن اللي بتفضلها ساعات الجسم الطبيعية.

والاشخاص اللي طيعة شغلهم فيها ورديات او سفر يقدروا يتحكموا في ساعة الجسم بنجاح من خلال عاداتهم الغذائية ، لان عادات الاكل بتنقل الرسايل لمنطقة اخد القرارات امتى الشخص المفروض يكون صاحي وامتي المفروض يكون نايم.

من خلال لاصيام لمدة 16 ساعة قبل الرحلة او ياكلوا في الاوقات اللي هما عايزينها لو كانوا في المنطقة الزمنية للمكان اللي هما رايحينه ، بالطريقة دي ممكن المسافرين يتجنبوا اضطراب الرحلات الجوية الطويلة.

كمان عمال الورديات يقدروا يظبطوا ساعة جسمهم بالطريقة دي مع تغير نوبات عملهم.

7 طرق لازالة اي حاجة دخلت في عينك بشكل آمن