غسول الصبار للشعر للتخلص من الجفاف والهيشان من اول استخدام
شعرنا بيتأثر بشكل سلبي من التعرض بشكل مستمر للاوساخ والتلوث والتوتر وغيرها من الاسباب ، كل ده في النهاية بيأدي لشعر غير صحي ، ولكن روتين الشعر والعناية المناسبة هتساعدك على التخلص من الاضرار اللي ممكن يكون اتعرض لها ، وواحدة من افضل الطرق للحفاظ على شعر صحي هو انك تدخلي غسول الشعر في روتين العناية بشعرك ، غسول الشعر بيكون هو الخطوة الاخيرة في روتين غسل شعرك وبيساعد في امداد الشعر بالتغذية المطلوبة والتحكم في الهيشان ، والنهاردة من خلال موضوعنا هنشارك معاكم طريقة عمل غسول الصبار للشعر الفعال بمكونين اتنين بس للتخلص من الجفاف والهيشان من اول استخدام.
طريقة عمل غسول الصبار للشعر:
هتحتاجي:
– 2 معلقة كبيرة من جل الصبار.
– 2 كوباية ماية.
طريقة التحضير والاستخدام:
1- هاتي ورقة الصبار افتحيها واستخرجي منها الجل.
2- بمجرد ما تطلعي الجل ، ضيفيه للماية واضربيهم مع بعض في الخلاط لحد ما يبقى عندك خليط سائل.
3- احفظي الخليط في علبة محكمة الغلق لوقت الاستخدام.
4- لما تغسلي شعرك استخدمي الخليط ده على الشعر بعد غسله بالشامبو والبلسم كأخر شطفة.
5- تقدري تستخدمي الغسول ده مرة واحدة في الاسبوع.
