اسرار ونصايح الخبراء لتحويل البشرة الباهتة لبشرة نضرة مثالية
لو عايزة بشرة نضرة ومشرقة يبقى موضوعنا النهاردة عشانك ، البشرة الباهتة اللي فاقدة النضارة من المشاكل اللي كتير من البنات بيعانوا منها ، واللي بتخليكي حاسه بعدم ثقة في نفسك ومش بتقدري تخرجي من البيت من غير مكياج ، لكن بنقولك ماتقلقيش ، لان في حاجات كتيري تقدري تعمليها لتحسين بشرتك ، والحصول على النضارة من جوه ومن بره ، والنهاردة هنشارك معاكم مجموعة نصايح لبشرة نضرة ومشرقة.
نصايح لبشرة نضرة:
– فهم البشرة الباهتة:
قبل ما تدوري على الحل لازم تعرفي الاول اسباب البشرة الباهتة وهي عوامل كتير ، بما فيهم نقص التقشير, الجفاف, التلوث, الاجهاد ، لما خلايا الجلد الميتة بتتراكم على سطح بشرتك ، هتخلي بشرتك باهتة ومفتقدة للنضارة ، كمان البشرة الجافة بيبقى شكلها باهت ومتقشر ، بالاضافة للتعرض للتلوث والعوامل الخارجية ممكن يضر بشرتك ويخليها باهتة ، كمان الاجهاد ليه دور في ظهور البشرة الباهتة.
1- التقشير:
التقشير يعتبر خطوة اساسية في اي روتين للعناية بالبشرة ، خصوصا لو بتعاني من بشرة باهتة ، لما خلايا الجلد الميتة بتتراكم على سطح الجلد ، ده بيأدي للبشرة الباهتة ، وهنا يجي دور التقشير اللي بيساعد على ازالة خلايا الجلد الميتة ، وبيسيب بشرتك اكتر نضارة واشراق.
في نوعين رئيسين من المقشرات: الفيزيائية والكيميائية ، المقشرات الفيزيائية بتستخدم جزئيات فيزيائية زي السكراب ، لازالة خلايا الجلد الميتة ، اما المقشرات الكيميائية تستخدم الاحماض ، زي حمض الفاهيدروكسي, او حمض بيتاهيدروكسي لاذابة الروابط اللي بتربط خلايا الجلد الميتة مع بعض.
لو بشرتك حساسة هتكوني محتاجة تستخدمي مقشر طبيعي ، ولو بشرتك دهنية او معرضة لحب الشباب ، اختاري مقشر كيميائي.
2- غذي البشرة من الداخل بأطعمة الجمال:
الاطعمة اللي بتاكليها ممكن يبقى ليها تأثير كبير على شكل بشرتك ، ولو عايزة بشرة نضرة بشكل طبيعي ، امشي على نظام غذائي غني بمضادات الاكسدة, الفيتامينات, احماض اوميجا 3 الدهنية ، هتساعد على تحسين اشراقة بشرتك وملمستها وصحتها العامة.
ومن المصادر الغنية بالعناصر الغذائية المفيدة للبشرة ، الفواكه, الخضروات, الحبوب الكاملة, الاسماك الزيتية, المكسرات, البذور ، بالاضافة لشرب كمية ماية كافية, النوم عدد ساعات كفاية مهمين جدا لصحة البشرة.
– بعض الاطعمة الغنية بمضادات الاكسدة: التوت, الفواكه الحمضية, الخضروات الورقية اللي لونها اخضر, المكسرات, البذور.
– الاطعمة الغنية بالفيتامينات: الفواكه الحمضية, الفراولة, البروكلي, الخضروات الورقية الخضرا, الاسماك الزيتية, المكسرات, البذور.
– الاطعمة الغنية بأحماض اوميجا 3 الدهنية: الاسماك الزيتية, الجوز, بذور الكتان.
3- استخدمي واقي الشمس:
اشعة الشمس فوق البنفسجية ممكن تضر بشرتك ، وده هيأدي للشيخوخة المبكرة والتجاعيد وحتى سرطان الجلد ، وللسبب ده مهم جدا استخدام واقي الشمس كل يوم ، حتى في الايام المغيمة اللي مافيهاش شمس.
دوري على واقي شمس بيحتوي على عامل حماية 30 على الاقل.
وهتلاقي نوعين من واقيات الشمس: واقيات الشمس الكيميائية وواقيات الشمس المعدنية ، واقيات الشمس الكيميائية بتمتص بتمتص الاشعة فوق البنفسجية وبتحولها لحرارة ، اما واقيات الشمس المعدنية بتحجب اشعة الشمس عن الجلد بشكل فعال ، والاتنين يعتبروا فعالين في حماية بشرتك من الشمس ، كله في النهاية بيرجع لاختيارك الشخصي ، لو بشرتك حساسة بننصحك تستخدمي واقي الشمس المعدني.
وبغض النظر عن واقي الشمس اللي هتختاريه ، ضروري توزعيه بشكل متساوي على البشرة قبل 15 دقيقة من الخروج في الشمس ، وجدديه كل ساعتين ، او اكتر لو كنتي بتعرقي او بتنزلي البحر او حمام السباحة.
4- روتين العناية بالبشرة:
روتين العناية بالبشرة مهم جدا لتحسين بشرتك ، ابدأي الصبح بغسول لطيف مناسب لبشرتك ، بعديه استخدمي تونر لموازنة مستويات الرقم الهيدروجيني لبشرتك ، بعدها استخدمي سيروم غني بمضادات الاكسدة وفيتامين سي لتفتيح بشرتك ، واخر خطوة استخدام كريم مرطب خفيف للحفاظ على رطوبة بشرتك طول اليوم.
بالليل ، نضفي بشرتك مرتين لازالة اي مكياج او شوائب ، استخدمي غسول زيتي الاول وبعدها استخدمي غسول مائي ، بعد التنضيف استخدمي كريم ليلي مغذي للمساعدة في اصلاح وتجديد بشرتك اثناء النوم.
عشان تدي بشرتك دفعة اضافية من النضارة فكري في دمج التقشير الاسبوعي وماسك البشرة في روتينك ، بس افتكري انك تختاري المنتجات المناسبة لنوع بشرتك واحتياجاتك.
