10 طرق للحصول على علاقة سعيدة وصحية مع الاكل

ريهام محمود
ريهام محمود
376

كتير من الاشخاص اللي بيعانوا من اضطراب الشراهة ، او الافراط في الاكل ، بالنسبة لهم تطوير علاقة سعيدة وصحية مع الاكل امر صعب جدا ، ولكن لحسن الحظ في طرق كتير لتطوير علاقة صحية مع الاكل ، عن طريق خطوات صغيرة يومية اللي ممكن تساعدك في تغيير عاداتك في الاكل ، فلو انتي بتواجهي صعوبة في علاقتك بالاكل ، تابعي معانا السطور الجايه واتعرفي على نصايح لعلاقة صحية مع الاكل.

نصايح لعلاقة صحية مع الاكل:

1- خليكي واقعية:

لو طورتي عادات غذائية غير صحية على مر السنين ، مهم انك تعرفي ان التغيير مش هيحصل بين يوم وليلة ، عشان تنجحي وتوصلي لهدفك ، لازم تكوني واقعية عن اللي تقدري تعمليه واللي ماتقدريش تعمليه ، ده هيساعدك على تجنب خيبة الامل الناتجة عن التوقعات غير الواقعية ، من خلال تحديد اهداف يومية صغيرة ، على سبيل المثال لاحظي امتي بتحسي بالشبع بعد الغدا.

نصايح لعلاقة صحية مع الاكل
نصايح لعلاقة صحية مع الاكل

2- خليكي مركزة وانتي بتاكلي:

من عادات الاكل غير الصحية ، هي عدم التركيز اثناء الاكل ، في اغلب الاحيان ممكن الاشخاص ياكلوا لوحدهم ، في عربياتهم ، قدام التليفزيون ، او اثناء عمل اي حاجة تانية زي قراية كتاب او وانتي قاعدة على الموبايل ، وللتخلص من ده ، ركزي على الاكل بس.

وده معناه انك تقعدي تاكلي من غير ما تعملي اي حاجة تانية ، كلي ببطء ، التركيز على تذوق كل قطمة ، وماتعمليش اي انشطة تانية زي السواقة او تقعدي قدام التليفزيون وانتي بتاكلي ، ده ممكن يساعدك تنتبهي للاشارات الجسدية اللي تقولك انك خلاص شبعتي ومعدتك اتملت ، وده هيساعدك على فقدان الوزن بشكل طبيعي.

نصايح لعلاقة صحية مع الاكل 2

3- التركيز على الاعتدال بدل ما تحطي الاكلات في القايمة السودا وتستبعديها:

ركزي على الاستمتاع بكل الاكل باعتدال بدل من منع بعض الاطعمة ، واحدة من اكبر الخطوات لتطوير علاقة سعيدة وصحية مع الاكل هي ببساطة انك تتأكدي انك بتستمعي باكلاتك المفضلة باعتدال ، بمعنى تاني لو انتي بتحبي المكرونة (ومافيش اي سبب طبي يمنعك من اكلها) فاستمتعي باكلها باعتدال مرة في الاسبوع بدل ما تقولي لنفسك انا مش هاكل منها خالص وبعدين تلاقي نفسك بتاكلي منها اكتر (لان الممنوع مرغوب) ، ده هيمنعك من زيادة الرغبة الشديدة في الاكل وهيخلي الاكل ممتع بالنسبة لك.

نصايح لعلاقة صحية مع الاكل 3

4- كلي لما تحسي بالجوع بس:

ده واضح جدا المفروض لما تحسي بالجوع تاكلي ، ولكن اللي بيحصل ان في اشخاص كتير ممكن ياكلوا مادام الاكل متاح قدامهم او لو لمجرد ان حد بياكل قدامك بتاكلي معاه ، بالاضافة ان في بعض الاشخاص ممكن ياكلوا اكتر لما الاشخاص اللي حواليهم ياكلوا وجبات اكبر ، ولتجنب زيادة الوزن غير الصحية وارتفاع نسبة السكر في الدم ، نتيجة العادات الغلط دي ، ركزي على انك تاكلي بس لما تحسي بالجوع جسديا فعلا ، ده هيساعدك على تجنب الاكل العاطفي والتأكد انك بتختاري اختيارات غذائية صحية.

نصايح لعلاقة صحية مع الاكل 4

5- اتوقفي عن الاكل لما تحسي انك شبعتي:

لو قدامك اكلة بتحبيها طبيعي انك مش هتبقي عايزة تقومي غير لما تخلصي الطبق اللي قدامك ، ولكن لسوء الحظ ده هيأدي لاسلوب حياة غير صحي ، اشارات الشبع في اجسامنا بتبدأ بالتدريج وبتبدأ تعلى اكتر.

ومع ذلك لسوء الحظ كتير من الاشخاص مش بيلاحظوا انهم شبعوا لحد ما يحسوا بأحساس مش مريح ، ولتجنب ده ، ركزي على الانتباه لاشارات جسمك بعد كل قطمة اكل والوصول لمرحلة انك ماتكليش تاني مجرد ما تحسي بالشبع ، انتي مش محتاجة انك تقومي وطبقك فاضي تماما ، عشان كده ركزي اكتر انك تتوقفي عن الاكل لما تحسي بالشبع ، ده ممكن يساعدك في الحفاظ على وزن صحي وتطوير اسلوب اكل صحي.

نصايح لعلاقة صحية مع الاكل 5

6- كلي وجبة الفطار:

في كتير من الخرافات المتعلقة بالاكل غير الصحي ، وواحدة منها بشكل خاص هي ان تخطي وجبات الاكل ممكن تساعدك على انقاص الوزن والحصول على صحة افضل ، ولكن الحقيقة ان عدم اكل وجبة الفطار ممكن يساعدك في انقاص الوزن بطريقة غير صحية ، ولكن الصح هي اكل وجبة الفطار والاشخاص اللي بياكلوا وجبة الفطار بانتظام عندهم انخفاض في نسبة الكوليسترول ، ومستويات طاقة اعلى ، بالاضافة ان وزنهم بيكون اقل من الاشخاص اللي بيتخطوا وجبة الفطار.

مع الاخد في الاعتبار انك مهم تبدأي يومك بوجبة فطار صحية ، اتأكدي من اكل وجبة بتحتوي على مستويات متوازنة من البروتينات والدهون والكربوهيدرات ومستويات منخفضة من السكر ، ده هيساعد في الحفاظ على مستويات الطاقة عندك طول اليوم ، وتجنب الانهيار في نص اليوم.

نصايح لعلاقة صحية مع الاكل 6

7- خلي البيت منطقة آمنه:

لو البيت عندك مليان بالوجبات السريعة ، هيكون صعب تجنب الرغبة الشديدة في الاكل ، وللسبب ده ، انك تخلي البيت خالي من الاطعمة غير الصحية ممكن يساعدك على تجنب اسلوب الاكل العاطفي وبدل كده هتطوري علاقة غذائية صحية.

نصايح لعلاقة صحية مع الاكل 7

8- انتبهي لكميات الاكل:

الاهتمام بكمية الاكل مع عادات الاكل الصحية المدروسة ، على سبيل المثال ، لو قعدتي قدام التليفزيون ومعاكي كيس شيبسي كامل ، فده هيخليكي تاكلي اكتر بكتير من لو اخدتي كمية صغيرة من الشيبسي وحطتيها في طبق وقعدتي على الترابيزة تاكليها ، لو انتي بتواجهي صعوبة في تجنب الافراط في الاكل ، فكري انك تشتري الوجبات الخفيفة والحلويات في عبوات صغيرة ، او حطي كمية صغيرة منها في طبق بدل ما تاكلي من العبوة او الكيس نفسه.

نصايح لعلاقة صحية مع الاكل 8

9- ماتكليش عشان وزنك على الميزان بس:

لما تبقي حاطه في دماغك انك تاكلي بس عشان تظبطي الرقم اللي هيظهرلك على الميزان ، فانتي بتحرمي نفسك من التغذية والوجبات الصحية والاستمتاع بالاكل ، بدل ما تاكلي بس بهدف فقدان الوزن او زيادته ، ركزي على اللي يخليكي تحسي انك مبسوطة وتستمتعي وانتي بتاكليه.

وجباتك لازم تكون متوازنة وصحية ومصنوعة من مكونات غذائية متكاملة ، ويتم الاكل في بيئة واعية ومدروسة زي ما قولنا في النقط اللي فاتت ، ده هيضمن لك انك بتاكلي عشان صحة جسمك مش عشان الرقم اللي على الميزان.

نصايح لعلاقة صحية مع الاكل 9

10- اسمحي لنفسك بالاستمتاع بالاكل:

واحد من السمات الرئيسية للاشخاص اللي علاقتهم صحية بالاكل هما انهم بيسمحوا لنفسهم يستمتعوا بالاكل ، كل النصايح اللي قولناها في القايمة دي مش هيكون ليها قيمة لو ماقدرتيش تسمحي لنفسك بالاستمتاع بالقعدة وأكل وجبة لذيذة.

بدل ما تاكلي اثناء تنقلك ، او تاكلي حاجة سريعة لما تحسي بالجوع ، ركزي على تخصيص وقت حقيقي لاكل وجبتك ، ادي نفسك نص ساعة على الاقل للاستمتاع بوجبة الغدا بتاعتك كل يوم ، وكل ما تقدري ، ركزي انك تخلي اوقات وجباتك الخاصة ممتعة ، الاستمتاع بوجباتك في مكان هادي ومريح ممكن يساعدك على تجنب الافراط في الاكل وده ممكن يترجم لاختيارات غذائية افضل.

نصايح لعلاقة صحية مع الاكل 10

مقالات متعلقه

بمكونين اتنين بس هتتخلصي من دهون الجسم وهتحافظي على وزن جسمك مثالي على طول

بمكونين اتنين بس هتتخلصي من دهون الجسم وهتحافظي على وزن جسمك مثالي على طول

26 طريقة سهلة تحافظي بيها على رشاقة جسمك على طول من غير مجهود

26 طريقة سهلة تحافظي بيها على رشاقة جسمك على طول من غير مجهود

تعملي ايه بعد اكل اطعمة دهنية كتير – 7 طرق لعكس تأثيرها

تعملي ايه بعد اكل اطعمة دهنية كتير – 7 طرق لعكس تأثيرها