ازاي تعملي جدول اسبوعي للعناية بالشعر حسب نوع شعرك
الحصول على شعر صحي وبيلمع حلم كل بنت ، ولكن عشات تحققي ده محتاجة عناية واهتمام بشعرك ، وممكن يبقى جدول العناية بالشعر الاسبوعي هو سلاحك السري لتعزيز صحة شعرك ، والنهاردة من خلال موضوعنا هنشارك معاكم روتين للعناية بالشعر حسب نوع شعرك ، وده هيضمن ان شعرك هيحصل على العناية الصح والمناسبة ليه والحفاظ على صحته ولمعانه.
تحديد نوع الشعر:
تحديد نوع شعرك مهم جدا عشان تقدري تحددي نوع العناية المناسبة اللي تناسبك بشكل افضل ، ودلوقتي هنتعرف على 4 انواع الشعر الرئيسية:
– الشعر المفرود:
الشعر المفرود او الاملس بيتميز بملمسه الناعم وقلة تجعيداته او تموجاته ، بيميل انه بيكون فيه لمعان وسهل التحكم فيه نسبيا.
– الشعر المموج:
الشعر المموج بيتميز بتجعيدات خفيفة على شكل حرف s وده بيضيف حجم وكثافة على الشعر.
– الشعر المجعد:
الشعر المجعد بيكون تجعيداته متحددة اكتر ، شبه الحلزونات ، وغالبا بيحتاج رطوبة اضافية للحفاظ على شكله ومنع الهيشان.
– الشعر المتعرج:
الشعر المتعرج يكون ليه تجعيدات ضيقة او متعرجة ومعرض للجفاف والانكماش ، وبيحتاج رطوبة بشكل كبير ومعالجة باستمرار.
جدول العناية بالشعر الاسبوعي:
– غسل الشعر بالشامبو والبلسم:
اختاري شامبو خفيف خالي من الكبريتات مناسب لنوع شعرك ، بمعنى لو شعرك جاف تستخدمي الشامبو الجاف مش اي نوع تاني ، وبعد الشامبو استخدمي البلسم مع التركيز على اطراف الشعر للحفاظ على ترطيبه.
– زيوت وسيروم الشعر:
ادمجي زيوت الشعر والسيروم في روتين العناية بتاعك ، الزيوت المختلفة عادة بيبقى ليها تأثير فعال على انواع الشعر المختلفة ، وبالتالي اختاري الزيت او السيروم اللي يناسب احتياجات شعرك.
– علاجات الترطيب العميقة:
اعملي بانتظام علاجات الترطيب العميقة للشعر لتجديد رطوبته واصلاح التلف ، العلاجات دي هتخلي شعرك ناعم وسهل التسريح ومتجدد.
– الحماية من الحرارة:
عند تصفيف الشعر ، اختاري منتجات الحماية من الحرارة لحمايته من التلف الناتج عن ادوات التصفيف بالحرارة وتقليل الضرر المحتمل من الحرارة.
– اختيار المنتجات المناسبة لشعرك:
السوق مليان بمنتجات العناية بالشعر ، وده بيخلي اختيار افضل المنتجات المناسبة لنوع شعرك مربك ، اقري دايما المعلومات اللي مكتوبة على ملصق المنتج واختاري المنتجات الخالية من المواد الكيميائية القاسية.
نصائح تصفيف لانواع الشعر المختلفة:
– نصايح لتصفيف الشعر المفرود:
الشعر المفرود او الاملس ، محتاج انك تضيفي له حجم وكثافة ، عشان كده حطي في اعتبارك استخدام انواع سبراي مكثفة او موس للحصول على حجم اكبر وكثافة.
– نصايح تصفيف الشعر المموج:
استخدمي منتج يعزز لك التموج ويخلي شكل التموجات متحددة اكتر.
– نصايح لتصفيف الشعر المجعد:
عشان تحافظي على شكل التجعيدات وتمنعي الهيشان ، استخدمي Leave-in conditioner او كريم محدد للتجعيدات ، واتجبني لمس التجعيدات باستمرار لمنع فقدان شكلها.
– نصايح لتصفيف الشعر المتعرج:
حافظي على ترطيب شعرك المتعرج باستخدام Leave-in conditioner بأساس مائي ، وحطي في اعتبارات ستايلات الشعر الوقائية زي الضفاير او التويست.
ازاي تحافظي على جدول العناية بالشعر:
الانتظام ضروري لروتين فعال للعناية بالشعر ، اعملي جدول اسبوعي او اظبطي تذكير على الموبايل ، وكل فترة اعملي تعديلات حسب الحاجة على حسب الاحتياجات المتغيرة لشعرك.
نصايح للتعامل مع مشاكل الشعر الشائعة:
– مشكلة الهيشان:
اتخلصي من الهيشان باستخدام منتجات مضادة للتطاير والهيشان ، واتجنبي التمشيط المفرط.
– مشكلة انقسام الاطراف:
قصي شعرك بانتظام لمنع الاطراف المتقصفة من انها تتنقل لاعلى جذع الشعرة.
– مشكلة الجفاف:
حافظي على ترطيب شعرك باستخدام علاجات الترطيب العميقة بانتظام ومنتجات ال Leave-in conditioner.
– مشكلة الشعر الزيتي:
استخدمي شامبو منقي لازالة الزيوت الزيادة وتوازن الزيوت الطبيعية في فروة راسك.
دليل خطوة بخطوة للعناية الاسبوعية بالشعر:
– اغسلي شعرك بالشامبو والبلسم باستخدام المنتجات المناسبة.
– حطي زيت الشعر او السيروم لتغذية اضافية.
– اعملي علاج ترطيب عميق للشعر مرة في الاسبوع.
– استخدمي واقي من الحرارة قبل تصفيف الشعر بأدوات سخنة.
– صففي شعرك حسب نوعه مع مراعاة النصايح اللي قولناها فوق.
– حافظي على جدول العناية بشعرك باستمرار.
فوايد الروتين الثابت للعناية بالشعر:
– شعر اكتر صحة وسهل التحكم فيه.
– تقليل مشاكل الشعر زي التقصف, وانقسام الاطراف.
– تحسين ملمس الشعر ولمعانه.
