ازاي تعملي اكسسوار للشنطة بتاعتك بالباندانا

بقلمريهام محمود فيموضة وأزياء visibility261

النهاردة هنتكلم عن تريند جديد منتشر في عالم الموضة وهي اكسسوار للشنطة بالباندانا, الباندانا بقالها فترة داخلة في حاجات كتير كاكسسوار, لانك تقدري تستخدمي بطرق مختلفة وتشكليها زي ما انتي عايزة, تقدري تستخدميها كاكسسوار للشعر, او تتلف على معصم الايد زي الاسورة, او تتلبس زي الحزام, ودلوقتي كمان تقدري تستخدميها مع الشنطة زي ما احنا هنشوف النهاردة مع بعض.

اكسسوار للشنطة بالباندانا:

سواء كانت شنطة الايد بتاعتك صغيرة او كبيرة, تقدري انك تستخدمي الباندانا كاكسسوار ليها, لو عندك شنطة قديمة وزهقتي من شكلها وعايزة تجدديها بكل بساطة تقدري تستخدمي معاها الباندانا هتجددها وتديها شكا مختلف.

لما نيجي بقى نتكلم على الوان الباندانا اللي ممكن تختاريها مع الشنطة, مهم انك تختاري قطعة تكون مطبوعة او مرسومة, لان الهدف منها هي تجديد اللوك وانها تضيف له باللون او بالطباعة, ممكن تختاري تصميم مخطط كمان هيعمل اضافة للشنطة, او طبعة الورود, وقبل ما تختاري الباندانا حطي في اعتبارك انك تختاري قطعة تمشي مع اغلب اللبس اللي عندك في الدولاب, واختاري الوان تمشي مع ستايلك.

تعالوا نشوف بالصور افكار لطريقة استخدام الباندانا مع الشنطة كاكسسوار:

8 اكسسوارات هتضيف للوك بتاعك وتظهره اكتر

اكسسوارات هتظهر اللوك بتاعك