ايه هى موضة الـ Full Finger Ring Design وايه هى انواعها

آية حسان
آية حسان
4701

المجوهرات والاكسسوارات مفيش بنت مابتحبهومش، لانهم بيجملوا وبيكملوا اى لوك او ستايل بتعمليه، ولانه الموضة والجديد فى الاكسسوارات مابيخلصش.. فى المقال ده هنعرفك على واحدة من اجدد الصيحات فى عالم الخواتم وكمان هنوريكى صور مختلفة ليها.. اعرفى فى المقال ده موضة الـ  Full Finger Ring ! 

 ايه هى موضة الـ Full Finger Ring Design وايه هى انواعها  .. 

1- The Gold Ring الخاتم الذهبى: 

اول ستايل معانا من Full Finger Ring Design هو ستايل الخاتم الدهبى او gold ring، الدهب معدن غالى علينا كلنا وعمره ما بيفقد قيمته ولمعانه، مش بس لانه غالى فعلا، لكن لانه كمان طول عمره مرتبط معانا بالمناسبات السعيدة والافراح و الهدايا اللى بنقدمها للغاليين علينا. الستايل ده موجود من خامة الدهب باكتر من شكل وتصميم ولانه ممكن يبقى غالى جدا انك تجيبيه دهب لان حجمه الكبير هيخلى وزنه تقيل وبالتالى هيبقى غالى، فممكن لو مش متاح تشتريه دهب انك تشتريه اكسسوار بلون دهبى لو انتى من اللى بيفضلوا اللون او  الشكل ده فى الاكسسوارات، بس هو اكيد يستاهل تحوشي علشانه! 

the gold ring

2- Diamond Studded Rings :

اكيد موجود من الستايل ده خواتم مرصعة بالألماس او Diamond studded rings وطبعا غالية جدا فى تمنها، لكن غالية كمان بقيمتها لانهم زى مابيقولوا دايما ” الالماس افضل صديق للبنت”، لكن اكيد مش هنتقل عليكى ونقولك اشترى الماس برده:) ، ممكن تستبدليه باكسسوار او فضة وهيدى نفس الشكل بالضبط! 

3- Junky finger rings :

بنقصد بالـJunk Jewelry  الاكسسوارات البسيطة المعمولة من معادن عادية مش نفيسة وممكن تشتريها من اى مكان بسعر معقول وبسيط، هتلاقى الـ Junky finger rings موجودة من النوع ده بأشكال كتيرة ومختلفة وبرده هتكمل اللوك بتاعك وتخليكى ماشية على الموضة، خليكى فاكرة دايما انك تبقى stylish مش بالضرورة يكون معناه ابدا انك تكلفى نفسك كتير.. كفاية انك تختارى صح. 

4- double full finger rings : 

المميز فى الستايل ده انه ممكن تلبسيه فى اى اصبعين يتناسبوا ومقاس الخاتم يعنى فى السبابة مع الابهام او فى السبابة مع الوسطى، يعنى ممكن تلبسيهم فى مكان مختلف فى كل مرة. او تختارى الاصبعين اللى بيناسبوا مقاسك افضل و تلبسيى الخاتم فيهم على طول. الستايل ده بيغنيكى عن انك تلبسي Bracelet او اسورة مع الخاتم لانه بيعتبر اكتر من قطعة اكسسوار فى قطعة واحدة، علشان كده هو مميز وعملى وشيك جدا. 

اعرفى معانا كمان إزاي تلبسي الخواتم علي الموضة؟

مقالات متعلقه

15 قطعة اكسسوار اساسية هتحسن اللوك بتاعك

15 قطعة اكسسوار اساسية هتحسن اللوك بتاعك

11 نصيحة بسيطة هتساعدك تنسقي اللبس مع الاكسسوارات عشان تطلعي بلوك حلو

11 نصيحة بسيطة هتساعدك تنسقي اللبس مع الاكسسوارات عشان تطلعي بلوك حلو

ازاي تنسقي العقد الطويل مع اللبس الكاجوال

ازاي تنسقي العقد الطويل مع اللبس الكاجوال