افضل انواع مكوة الشعر ال Hair Straightener متضرش شعرك

ريهام محمود
ريهام محمود
في
شعر
6521

اختيار مكوة الشعر الصح بيعتمد بشكل اساسي على نوع شعرك, والمواد المصنوع منها المكوة, وشوية حاجات تانية مهمة زي التحكم في درجة الحرارة مثلا, كل الحاجات دي مهمة جدا اننا نحطها في اعتبارنا لما نيجي نختار مكوة الشعر, والنهاردة من خلال موضوعنا هنساعدك في المهمة دي وهنقولك على افضل انواع مكوة الشعر اللي تحافظ على شعرك من التلف والضرر.

– نصايح قبل استخدام المكوى:

في شوية نصايح لازم نعرفها قبل ما نستخدم مكوة الشعر.

1- اول حاجة واهم حاجة ان استخدام المكوى يكون على شعر ناشف, لان استخدامها على شعر مبلول ممكن يتلف الشعر ويقصفه.

2- قبل استخدام المكوى سرحي الشعر كويس عشان تفكي اي تشابك والمكوى تمشى عليه بسهولة.

3- اتأكدي ان سطح المكوى كله سخن على درجة الحرارة اللي انتي اختارتيها عشان تفرد الشعر كله بشكل متساوي.

4- قسمي الشعر خصلات صغيرة عشان الحرارة توصل للشعر كويس.

5- الافضل استخدام سيروم للشعر او حامي من الحرارة قبل المكوى عشان تحمي شعرك من الحرارة.

6- افضل درجة حرارة للشعر الخفيف 180 درجة مئوية, وللشعر الكثيف متزيدش عن 230 درجة, والافضل انك ترفعي درجة الحرارة بالتدريج لحد ما توصلي للدرجة المناسبة لشعرك.

7- متنسيش تنضفي المكوى قبل الاستخدام عشان تزيلي اي اتربة عليها ممكن تتنقل لشعرك.

افضل انواع مكوة الشعر 1
افضل انواع مكوة الشعر 1

– طريقة اختيار المكوى:

اكيد في السوق هتلاقي ماركات وانواع كتير جدا عشان كده لما تيجي تشتري مكوى لازم تحطي في اعتبارك شوية حاجات كده عشان تقدري نختاري صح.

1- اول حاجة شكل المكوى, متختاريش مكوى يكون حرفها مدبب اوي لانها ممكن متديكيش النتيجة اللي انتي عايزاها.

2- سطح المكوى الافضل يكون عريض شوية, عشان تقدري توصلي لنتيجة اسرع في فرد الشعر وده هيخليكي تختاري المكوى تكون بحجم كبير شوية, لكن لو شعرك اصلا ناعم مش هتحتاجي للمكوى العريضة.

3- المكوى السيراميك تعتبر من احسن الانواع لانها بتوزع الحرارة على الشعر بشكل متساوي.

4- قبل ما تشتري المكوى اتأكدي ان فيها اوبشن التحكم في الحرارة, تقدري تغيري وتعدلي فيها زي ما انتي عايزة, واكيد الحرارة العالية بتجيب نتيجة اسرع, لكن لازم تاخدي بالك ان الحرارة العالية ممكن تكون مش مناسبة لطبيعة شعرك.

5- لما تيجي تشتري حاولي توازني ما بين السعر ومواصفات وامكانيات المكوى, يعني متشتريش المكوى الرخيصة اوي اللي ممكن تضر شعرك وتبوظ منك بسرعة, خلي دايما اختيارك على الامكانيات والسعر في المتوسط, عشان متضطريش كل شوية تشتري مكوى.

افضل انواع مكوة الشعر 2
افضل انواع مكوة الشعر 2

– افضل انواع مكوة الشعر:

1- مكوة شعر براون:

ماركة براون من الماركات المعروفة جدا وهي ماركة المانية, ومكوة الشعر براون نانو جلايد, بتشتغل بتقنية الايونات, وفيها الواح سيراميك بتدي نتيجة فرد هايلة جدا للشعر وبتقلل احتكاك الشعر, وبتوزع الحرارة بالتساوي على الشعر.

افضل انواع مكوة الشعر 3
افضل انواع مكوة الشعر 3

2- مكوة شعر فيليبس – 8302:

بتحتوي على الواح سيراميك, تقدري تتحكمي في درجة الحرارة لحد ما توصل 210 درجة, بتوصل لاقصى درجة حرارة ليها خلال 60 ثانية, ليها قفل امان لسهولة التخزين, سلك بطول 1.8 لسهولة الاستخدام.

افضل انواع مكوة الشعر 4
افضل انواع مكوة الشعر 4

3- مكوة شعر ميانتا HS24506A – 230C:

ميانتا هي ماركة فرنسية معروفة, بتحتوي على الواح سيراميك, اقصى درجة حرارة 230 درجة, فيها شاشة عرض ديجيتال, مناسبة لاستخدامها على الشعر الجاف والمبلول, بتحتوي على الايونات لتلميع وصحة الشعر, ممكن تقدري تستخدميها لتجعيد وتمويج الشعر, تقدري تتحكمي في درجة الحرارة بشكل تام, في خاصية قفل اتوماتيك بعد ساعة لزيادة الامان, فيها سلك مرن قابل للدوران 360 درجة.

افضل انواع مكوة الشعر 5
افضل انواع مكوة الشعر 5

4- مكوة شعر بيبي ليس St326:

فيها اعدادات لدرجة الحرارة تقدري تتحكمي فيها من 220 – 235 درجة, 140 و 160 و 180 و 200 درجة, بتحتوي على الواح سيراميك, تقدري تستخدميها للفرد ولعمل تمويجات للشعر, ممكن تستخدميها على الشعر الجاف او المبلول, فيها نظام قفل, سلك دوار, وخاصية القفل الذاتي.

افضل انواع مكوة الشعر 6
افضل انواع مكوة الشعر 6

5- مكوة شعر لو برو بالايونات Bab-St387Sde من بيبي ليس:

بتحتوي على الواح سيراميك دايموند 24×120 ملم, 6 اعدادات لدرجات الحرارة تقدري تتحكمي فيها من 220 – 235 درجة, 140 و 160 و 180 و 200 درجة, بتحتوي على نظام قفل, وطلاء مقاوم للحرارة, وخاصية القفل الذاتي.

افضل انواع مكوة الشعر 7
افضل انواع مكوة الشعر 7

6- مكوة شعر بيبي ليس بروتيكت سليم ST326E 22:

بتحتوي على الواح سيراميك دايموند بتقلل من هيشان الشعر وبتديه نعومة, بتجفف الشعر وبتفرده بشكل سريع, تصميمها مبتكر ومريح جدا للاستخدام, بتحتوي على سلك مرن سهل الدوران.

افضل انواع مكوة الشعر 8
افضل انواع مكوة الشعر 8

7- مكوة شعر بيبي ليس بالبخار ST395E:

بتتميز بطلاء تيتانيوم سيراميك, بتحتوي على خزان للمية عشان تطلع البخار اللي بيساعد على تنعيم الشعر وبيحميه, اقصى درجة حرارة 230 درجة مئوية, ليها 5 اعدادات لدرجة الحرارة 170 و 185 و 200 و 215 و 230 درجة, بتحتوي على الايونات اللي بتخلي الشعر سلس وبيلمع.

افضل انواع مكوة الشعر 9
افضل انواع مكوة الشعر 9

8- مكوة شعر كيرياتين برو كير HP 8361 من فيليبس:

بتعمل ضرر اقل على الشعر, بتحتوي على لوحات اهتزاز خفيف لعناية مثالية بالشعر, اقصى درجة حرارة 230 درجة مئوية, فيها الواح سيراميك بتحتوي على الكيرياتين لشعر ناعم, بتحتوي على خاصية ترطيب ايوني لشعر لامع وغير مجعد, سهلة الاستخدام, فيها مؤشر بينور يقولك انها جاهزة للاستخدام, بتحتوي على اعدادات رقمية.

افضل انواع مكوة الشعر 10
افضل انواع مكوة الشعر 10

9- مكوة بريتش ديجيتال بالايونات والتورمالين:

بتحتوي على لوحات سيراميك بتولد 6 اضعاف من الايونات بالمقارنة مع اللوحات العادية, اقصى درجة حرارة 230 درجة مئوية وده بيساعد على فرد الشعر بسرعة وبسهولة, فيها 5 اعدادات للتحكم في الحرارة.

افضل انواع مكوة الشعر 11
افضل انواع مكوة الشعر 11

10- مكوة شعر 2 في 1 ST330e من بيبي ليس:

مكوة بيبي ليس دايموند سيراميك, بتحتوي على 6 اعدادات لظبط الحرارة, بتفرد وتجعد الشعر وبتستخدم على الشعر الجاف والمبلول, درجة الحرارة 220 و 230 درجة مئوية, الواح كوي بتتقفل ذاتيا للحماية, بتحتوي على شاشة رقمية, مطلية بالسيراميك.

افضل انواع مكوة الشعر 12
افضل انواع مكوة الشعر 12

11- مكوة شعر هارفي HCST-52:

بتحتوي على الواح نانو سيراميك تورمالين, اقصى درجة حرارة 200 درجة مئوية, بتوصل لاقصى تسخين خلال 30 ثانية, زر قفل وتشغيل مع مؤشر.

افضل انواع مكوة الشعر 13
افضل انواع مكوة الشعر 13

12- مكوة شعر بيبي ليس i-pro 230:

بتساعد على فرد وتجعيد الشعر, بتحتوي على لوحات سيراميك ناعمة لسهولة فرد الشعر, بتحتوي على ايونات واي تيمبريتشر بتزود من لمعان ونعومة الشعر, بتحتوي على اعدادات للتحكم في الحرارة, اقصى درجة حرارة 230 درجة مئوية.

افضل انواع مكوة الشعر 14
افضل انواع مكوة الشعر 14

نصايح ازاى تستخدمى مكواة الشعر Hair Straightener من غير ما تأذى شعرك

نصايح ازاى تستخدمى مكواة الشعر Hair Straightener من غير ما تأذى شعرك
نصايح ازاى تستخدمى مكواة الشعر Hair Straightener من غير ما تأذى شعرك

مقالات متعلقه

خطوتين بس هيساعدوا على زيادة نمو شعرك بسرعة وتكثيفه

خطوتين بس هيساعدوا على زيادة نمو شعرك بسرعة وتكثيفه

طريقة طبيعية لتغطية الشعر الابيض بشكل فعال

طريقة طبيعية لتغطية الشعر الابيض بشكل فعال

قصات الشعر التريندي لموسم شتاء 2024

قصات الشعر التريندي لموسم شتاء 2024