8 مهارات عملية لازم تبقى عندك عشان تقدري تمتلكي البيزنس الخاص بيكي

بقلمآية حسان فيمنوعات visibility278

بتفكري تبدأى مشروعك الخاص بيي ومش عارفه ازاى تطوري شخصيتك او ايه هى المهارات الي لازم تبقى موجودة عندك عشان تبقى صاحبة بيزنس ناجحة ومميزة، في المقال ده بنات حوا هيكلموكي عن 8 مهارات عملية لازم تبقى عندك عشان تقدري تمتلكي البيزنس الخاص بيكي ضرور تطويرهم و تستغليهم كويس، هلينا نتعرف عليهم مع بعض.. 

8 مهارات عملية لازم تبقى عندك عشان تقدري تمتلكي البيزنس الخاص بيكي

1- المبيعات: 

في ناس بتحب المبيعات وشاطرة فيها بالفطرة، وناس تانية بيكرهوا مجرد التفكير فيها وبيحسوا انها مش الحاجة اللى ممكن يبقوا شاطرين فيها، بس لو نتي بتحبيها ولا لاء المبيعات مهارة مهمة جدا من مهارات عملية اللي لازم تبقى موجودة عندك. هتحتاجي تعرفي ازاى تطوري من اسمك وتخليه معروف و ازاي تقدري تبيعي المنتحات بتاعتك او الخدمة اللي هيقدمها مشروعك عشان تقدرى تجزبي الناس و يعرفوكي ، فلو كانت المبيعات من الحاجات اللى انتى مابتحبيهاش يبقى لاوم تبدأى تتعودي عليها و تنميها كمهارة مهمة من دلوقتي. 

المبيعات

2- المحاسبة :

 لما تكونى عندك البيزنس الخاص بيكي، مش ضروري أوي تكونى عارفه كل حاجة عن المحاسبة ولا ضروري تبقى مضطرة تعمليها بنفسك، لأنه لحسن الحظ تقدري تعيني حد يعمل ده بدل منك. لكن ضروري على الأقل تعرفي أساسيات المحاسبة عشان تقدرى تراقبي حساباتك و الموارد المالية الخاصة بمشروعك و تشرفي عليها وتعرفي ايه اللى مشروعك محتاجه عشان يكبر ويتطور، كمان حتى لو معاكي محاسب متخصص في شركتك انتي هتبقى مضطرة تبعتي ايميلات و مراسلات ليها علاقة بالحسابات و دخل الشركة  ومرتبات الموظفين، فلازم تبقى عارفه انتي بتعملي ايه كويس. 

المحاسبة

3- إدارة المشروعات : 

مسؤولية ادارة مشروعك والإشراف عليه هتبقى على كتفك انتي من الألف للياء، وزي ما انتي اللى هتبقى مسؤولة عن أي نجاح هيحققه البيزنس بتاعك، انتي كمان اللي هتتحملي نتيجة أي خطأ أو خسارة وزي ما ده هيحسسك انك مهمة وليكي كيان وبتديري حياتك بنفسك، لكن ده برده محتاج صبر وقدر كبير من مهارة إدارة المشروعات والتعامل مع العالم من حواليكي ، إدارة المشروعات هي مهارة انك تقدرى تنظمي كل تفاصيل شغلك وتتأكدى انه كل حاجة بتم بسلاسة وفي الوقت المحدد ليها، وبتعتبر أهم مهارة لازم تكوني عرفاها. 

إدارة المشروعات

4- إدارة الوقت : 

واحدة من أهم مميزات انك يبقى عندك البيزنس الخاص بيكي هى انك وقتك كله ملكك تقسميه زما تحبيي، مفيش مدير على كتفك بيطالبك تسلمي الشغل في الديدلان ولا بيستعجلك، وممكن برده وقت ما حبي تاخدى اجازة من ده كله و تفصلي شوية ، لكن زي ما كل حاجة ليها وجهين، ادارة الوقت في البيزنس الخاص بيكي برده مهمة لأنه صحيح مفيش حد بيقف فوق كتفك ويزن عليكي لكن انتى اللى هتزنى على نفسك، فلازم تديري شغلك بكفاءة وذكاء وتعرفي امتي يبقى وقت الشغل وامتي يبقى وقت الاجازة و الفصلان عشان كده اتحدي نفسك انك تطوري من مهارة ادارة الوقت عندك عشان تقدرى تستمتعي بالشغل زي ما بتستمتعي بالاجازة. 

إدارة الوقت

5- بناء علاقات ناجحة فى مجالك :

واحدة تانية من الحاجات المهمة اللي لازم تبقي عارفاها من مهارات عملية لازم تبقى عندك عشان تقدري تمتلكي البيزنس الخاص بيكي هي ان اي بيزنس بيقوم لى العلاقات الناجحة، يعني حتى لو البيزنس بتاعك مجرد فكرة أو لو كان لسه صغير وبيبدأ ، علاقاتك الإجتماعية الكويسة مع الناس في مجالك ومع الناس اللي ممكن يبقوا زباينك اأو عملائك المستقبليين هي اللي هتخلي شغلك يبدأ ويكبر و يكمل، عشان كده لازم تعرفي ازاى تكوني علاقات ناجحة و لطيفة مع الناس من حواليكي عشان كده مهم مثلا يبقى عندك بروفايل على LinkedIn ، وتحاولي توني موجودة في معظم المناسبات الاجتماعيةالخاصة بمجالك. 

بناء علاقات ناجحة فى مجالك

6- اتخاذ القرارات : 

الخبر الحلو في انك يبقى عندك البيزنس الخاص بيكي هو انك المديرة، والخبر الوحش هو انك المديرة برده ،طيب ليه ده بيعتبر كمان خبر وحش؟ ده لأنك المسؤولة عن اتخاذ كل القرارات في شغلك سواء كانت مالية او ادارية أو حتى لو قرارت ليها علاقة بالموظفين و الـ HR ، و بالتالي انتى كمان المسؤولة عن النتايج اللي هتنتج من القرارات دي، عشان كده لازم تبقى صاحبة قرار و بتقدرى تاخدي قرار قوي و سريع لأنه أحيانا هتتحطي في مواقف انك لازم تقرري حالا و مفيش وقت للتفكير، وغالبا للأسف القرارات السريعة دي بتبقى هي القرارات المهمة. 

اتخاذ القرارات

7- التفاوض : 

في إدارة مشروعك هتبقى مضطرة للتفاوض، لأنه مش دايما كل حاجة هتحصل زي ما انتى عايزة و في معظم الأوقات هتبقى مضطرة تتفاوضى عشان توصلي لأفضل نتيجة ممكنة  سواء على مرتب مع موظف شايفه انه هيفيدك او على عقد جديد مع عميل مهم او غيره، فمهم  تبقى مرنة و تعرفى امتى تتفاوضي و امتي تتمسكي بقرارك وازاى تعملي كل حاجة من دول. 

التفاوض

8- المرونة : 

آخر مهارة هنتكلم عنها وهنأكد عليها هي المرونة، لازم تعرف تبقى مرنة و تتكيفى مع الظروف اللي حواليكي عشان بالتأكيد هتتحطي في مواقف كتيرة في شغلك غير متوقعة ولازم تعرف ازاى تتعاملى معاها عشان تقدرى تعديها بسلاسة وعشان كده بتعتبر المرونة من أهم المهارات اللي لازم تبقى موجودة عندك في تعاملاتك مع أى حد وأى موقف في شغلك. 

المرونة

اعرفي معانا كمان نصايح وأفكار ازاى تترقي في شغلك وتوصلى لمناصب أعلى