5 خطوات تحسنى بيهم الـ LinkedIn Profile الخاص بيكى علشان تلاقى وظيفة بشكل اسهل

بقلمآية حسان فيمنوعات visibility450

لو نفسك تعملى تغيير فى شغلك و تطورى من الكارير بتاعك ومش عارفة ازاى ، يبقى المقال ده هو المكان المناسب ليكى. موقع مهم زى LinkedIn بيوفرلك مئات من الوظايف اللى تناسبك و ممكن تلاقى فيهم وظيفة احلامك اللى طول عمرك بتدورى عليها، لكن المهم كله هو ازاى تقدرى تعملى بروفايل مظبوط على LinkedIn او لو فعلا عندك واحد يبقى ازاى تحسنى منه و تخليه مظبوط علشان أصحاب الوظايف يلاقوه بسهولة،اعرفى مع بنات حوا فى المقال ده 5 خطوات تحسنى بيهم الـ LinkedIn Profile الخاص بيكى علشان تلاقى وظيفة بشكل اسهل .. 

5 خطوات تحسنى بيهم الـ LinkedIn Profile الخاص بيكى علشان تلاقى وظيفة بشكل اسهل

1- أتأكدى انك مستخدمة professional photo  وابتسمى :) 

مجرد انك تحطى صورة بروفايل تبقى شوية فورمال مع ابتسامة خفيفة، ده بيزود عدد الـ views لبروفايلك لـ 21 مرة أكتر و كمان بيزود عدد الرسايل اللى ممكن تجيلك لـ 36 مرة، و 9 مرات أكتر connection requests.

2- وفرى معلومات كفاية عن نفسك : 

أهم المعلومات اللى لازم توفريها عن نفسك هى مكانك او الـ location  اللى انتى متواجدة فيه بشكل دائم، ده هيزود فرصك فى التوظيف فى الوظايف المتوفرة فى مكانك  23 مرة أكتر. 

3- خلى الـ summary بتاعك يتكلم عنك : 

تالت معلومة معانا فى ازاى تحسنى الـ  LinkedIn Profile الخاص بيكى هى انك تخلى الـ summary بتاعك يتكلم عنك، بمعنى انه خليكى واضحة و اعرضى مزاياكى و المهارات اللى بتتمتعى بيها، وممكن تستخدمى keywords علشان تخلى البروفايل يبان اكتر فى الـ search  عن المهارات دى، لكن حاولى تتجنبى استخدام الكلمات المستهلكة زى خبيرة فى او specialized in ، حاولى يبقى العنوان الرئيسي لبروفايلك مايزيدش عن 10 كلمات مثلا و خلى الكلمات بسيطة وواضحة زى ‘Marketing & Communications Professional’.”

4- ماتكتبيش أى حاجة اشتغلتيها : 

ركزى فى انك تكتبى الوظايف اللى ليها علاقة بتخصصك بس فى البروفايل بتاعك، لكن مش كل حاجة اشتغلتيها. يعنى لو مثلا كنتى بتشتغلى وانتى طالبة او بعد ما اتخرجتى وظايف مالهاش علاقة بتخصصك يبقى حاولى ماتكتبيهاش. 

5- حطى أمثلة لشغلك : 

ارفعى مقالاتك او فيديوهاتك او اى امثلة ملموسة عن شغلك السابق علشان تدى لأصحاب الوظايف فكرة عن خبراتك وشغلك السابق، مهم انك تحطى امثلة لشغلك.