طرق تلبسي بيهم الكيمونو في رمضان
في
موضة وأزياء
2023
الكيمونو من القطع المناسبة جدا لاجواء شهر رمضان, وبما ان في كتير من البنات بيحبوا يغيروا في الستايل بتاعهم ويخلوه مختلف في شهر رمضان عن باقي السنة, الكيمونو هيكون مناسب جدا ليهم, والنهاردة هنشوف مع بعض طرق لبس الكيمونو, وازاي تنسقيه.
اللي بيميز الكيمونو انه قطعة مريحة جدا في اللبس, وممكن تنسقيه مع اي حاجة انتي لبساها, يعني يبقى اضافة للبسك العادي بس هيديها في نفس الوقت شكل مختلف.
ممكن تلبسي الكيمونو مع بنطلون جينز وشيميز كاجوال بسيط, او تنسقيه مع الفستان الماكسي او فستان ميدي.
وهنلاقي نازل منه الستايل الطويل والقصير, والمطبوع والسادة, وبالنسبة للخامة بتاعته هنلاقي بردو انه موجود بخامات مختلفة زي الشيفون, والساتان, القطن.