افكار ازاي تلبسي الكيمونو الشيفون مع الحجاب
الكيمونو الشيفون من قطع الملابس الكاجوال المريحة جدا لفصل الصيف, مش بس عشان بسيطة لكن كمان خامتها مريحة جدا في اللبس لانها مصنوعة من الشيفون.
والكيمونو يعتبر من القطع المناسبة لكل الاوقات ممكن تلبسيها الصبح في خروجاتك اليومية, او على البحر, او لخروج بعد الضهر مع اضافة اكسسوارات مناسبة للوك, يعني ممكن يتلبس اي وقت.
والكيمونو نازل منه اكتر من ستايل, في المطبوع بالزهور وزي ما قولنا قبل كده ان طبعة الزهور من الحاجات التريندي جدا الموسم ده, في منه المقلم, والسادة, يعني قدامك ستايلات كتير تقدري تختاري منها اللي يناسبك اكتر.
ممكن تلبسي الكيمونو الشيفون على الجينز, او على ال Pencil Skirt, او تلبسيه على البنطلون الكلاسيك, او الفستان, ممكن كمان تلبسيه في لوك رياضي لخروجاتك الصبح وتلبسي عليه حذاء رياضي.
وستايل الكيمونو مناسب جدا بشكل خاص للبنات اللي جسمهم مليان لانه بيداري ديفوهات الجسم وبيطلع الجسم كيرفي بشكل حلو.