نصايح وافكار تتصرفى ازاى لو اتطردتى من الشغل

بقلمآية حسان فيمنوعات visibility180

اول حاجة لازم تعرفيها انه ماينفعش تلومى نفسك كتير، انك تطردى من الشغل، ده عادى انه يحصل و وارد جدا ، واحد من اشهر المستثمرين ورجال الأعمال فى العالم “ستيف جوبز” اتطرد من شغله فى شركة Apple  فى البداية، بدل ما تفضلى زعلانة على اللى حصل، حاولى تستجمعى نفسك وتاخدى خطوة علشان تقدرى تبدأى بداية جديدة، فى المقال ده بنات حوا هتساعدك تعملى ده بسهولة ، اعرفى معانا نصايح وافكار تتصرفى ازاى لو اتطردتى من الشغل ..

نصايح وافكار تتصرفى ازاى لو اتطردتى من الشغل ..

ايه اللى مش المفروض تعمليه:

اول حاجة لما ده يحصل لازم تعرفى ايه الحاجات اللى لازم تتجنبيها وماينفعش تعمليها، الوضع أساسا سئ علشان كده مش محتاج انك تعلمى حاجة تانية تخليه أسوأ ، يعنى حاولى ماتشتميش على زمايلك فى الشغل لو كانت فى مشكلة حصلت بينك وبينهم، او انك تتكلمى فى الموضوع كتير او اى اخطاء تانية ممكن تسبب ضرر ليكى فى انها تسببلك مثلا سمعة مش كويسة او تخلى يبقى فى كلام وماتشتكيش لحد من زمايلك فى الشغل، خلى شكواكى لاصحابك بره الشغل  او لأهلك فى البيت.

ايه اللى ماينفعش تعمليه

ايه اللى لازم تعمليه :

ماتمشيش وخلاص، فى حاجات لازم تعرفيها علشان تقدرى تتخطى المرحلة دى، اعرفى حقوقك كويس وأسألى عنها، اتوجهى لشؤون العاملين و الـHR  ولو كنتى حاسه انك مصدومة و محتاجة وقت تهدى ، يبقى امشى وقتها من غير اى انفعالات و ارجعى تانى يوم بعد ما تكون اعصابك هديت و ابدأى اعرفى ايه هى الاسباب و ايه هى مستحقاتك و الاجراءات القانونية اللى المفروض تاخديها او اللى المفروض تبقى من حقك.

تعملى ايه

الشؤون القانونية : ازاى تخلصى ورقك :

قبل ما تبدأى تدورى على شغل جديد لازم تفكرى فى موقفك القانونى من الشركة اللى كنتى فيها وتعرفى انتى واقفة فين بالضبط، علشان مايبقاش فى اى ورق واقف او اى تفاصيل قانونية تعطلك عن انك تبدأى شغل جديد.

fired

ازاى تكتبى CV و Cover letter  :

كل الحاجات اللى ليها علاقة بالمستندات اللى بتبعتيها علشان تدورى على شغل او تقدمى عليه لازم تبقى ايجابية و تدى عنك انطباع كويس، يعنى ماينفعش تقولى فى الـ CV بتاعك انك اتطردتى، او تكتبى عن مشاكلك  فى اى Cover letter  مطلوب منك تبعتيه، اللى المفروض تعمليه هو انك تشرحى انتى ليه وازاى مناسبة للوظيفة اللى بتقدمى عليها وازاى هتفيدى الشركة اللى انتى بتحاولى تنضمى اليها، اعرفى معانا 9 حاجات لازم تحذيفيهم من الـ CV بتاعك دلوقتى !

9 حاجات لازم تحذيفيهم من الـ CV بتاعك دلوقتى !
9 حاجات لازم تحذيفيهم من الـ CV بتاعك دلوقتى !

ازاى تقدمى فى شغل جديد :

نصيحة كمان من نصايح وافكار تتصرفى ازاى لو اتطردتى من الشغل هى ازاى تاخدى خطوتك الجديدة و تقدمى فى شغل جديد، اهم حاجة لما تيجى تقدمى ابليكيشن الشغل الجديد انك ماتبقيش سلبية و تبقى ايجابية و صادقة و ماتكدبيش فى اى حاجة هتكتبيها فى الابليكيشن بتاعت التوظيف، لانه الكدب مالوش رجلين .. ممكن بدل ما تستخدمى لفظ ” اتطردت” او ” Fired” ، الفاظ تانية زى  “job ended”  او  “terminated”لو اضطريتى تتكلمى فى الابليكيشن عن وظيفتك اللى تم طردك منها بالتحديد.

شغل جديد

الانترفيو :

وده اصعب حاجة ممكن تحصل بعد ما تكونى اتطردتى من الشغل ، وممكن يحطك فى موقف صعب خلال الانترفيو، علشان كده لازم تبقى عارفة و متوقعة انك هتتسألى “ليه اتطردتى” و ايه هى الاسباب وانهم كمان ممكن يسألوا عنك فى الشغل القديم و يعرفوا الاسباب بنفسهم، علشان كده لازم تبقى صادقة تماما فى اجابتك عن السؤال ده علشان تثبتى حسن نيتك وانك مستعدة لبداية جديدة و fresh   مع شركتك الجديدة وانك اتعملتى درسك واكتسبتى خبرة ويبقى عندك استعداد تشتغلى على نفسك من جديد، وبنأكد عليكى  ماتكدبيش ولا تطلعى نفسك فى دور الضحية.. قولى اللى حصل بالضبط.

interview

ازاى تاخدى خطوة جديدة moving on :

آخر نصيحة هنقولهالك عن ازاى تتصرفى  لو اتطردتى من الشغل رغم انه الموضوع ممكن يبان صعب جدا وهو فى الحقيقة صعب، لازم تتخطى اللى حصل وتاخدى خطوتك الجديدة، ولازم تقدرى تقنعى نفسك و أصحاب الشغل الجديد انه بعض النظر عن اللى حصل ،انتى مرشح قوى و عندك مؤهلات تخليكى مثالية للوظيفة الجديدة، ركزى على الـ skills  والخبرة اللى عندك.

اعرفى معانا كمان ازاى تجهزى نفسك لـ job interview وايه هى الحاجات اللى تاخديها معاكى المقابلة