ازاى تجهزى نفسك لـ job interview وايه هى الحاجات اللى تاخديها معاكى المقابلة

الـ job interview هى اهم و اول واصعب حاجة بتقابلنا كلنا بعد التخرج، لانها بتعتبر اول خطوة فى انه يبقالك كارير و حياة عميلة مستقلة و شغل بتحققى منه احلامك، و لان الـ job interview او مقابلات العمل بتعتبر من المواقف الصعبة و اللى بيبقى فيها كتير من التوتر اللى اكيد هنتعرضلها كلنا، فى المقال ده بنات حوا هتقولك  فى 4 نقط  سريعة تعرفى بيها ازاى تجهزى نفسك لـ job interview وايه هى الحاجات اللى تاخديها معاكى المقابلة ..

ازاى تجهزى نفسك لـ job interview وايه هى الحاجات اللى تاخديها معاكى المقابلة ..

1- رقم المدير اللى هتقابليه او رقم تليفون الشركة :

حتى لو كنتى نازلة قبل ميعاد الانترفيو بتاعتك بوقت كفاية وعامله حساب الطريق و المواصلات، ماتعرفيش ايه اللى ممكن يحصل، علشان كده مهم جدا انه يبقى معاكى على موبايلك رقم المدير اللى هيعمل معاكى الانترفيو او رقم سكيرتيرته او رقم الشركة اللى فيها المقابلة بتاعتك، علشان تقدرى تعتذرى عن الميعاد لو مش هاتلحقيه او تبلغى انك هتتأخرى شوية، النقطة دى مهمة علشان تبين انك  بتحافظى على مواعيدك وملتزمة. 

2- notebook بملاحظاتك المهمة : 

غالبا فى نهاية معظم الـ interviews بيسألك صاحب الشغل دايما ان كان فى عندك اسئلة له او اسئلة عن الشركة و طبيعة شغلك فيها، حضرى دايما ملاحظاتك واسئلتك المهمة فى notebook  وخليها جاهزة علشان تبانى محضرة نفسك ومستعدة للميعاد ده كويس. 

3- Reference Sheet : 

حضرى sheet  منفضل عن الـ CV  بتاعك فيه references لشغلك او وظايفك اللى كانت قبل كده، علشان غالبا اللى بيعملك الانترفيو هيسألك عنها فهتبقى علامة كويسة منك انك محضراها وجاهزة لمناقشتها. 

4- قلم ! 

هتحتاجى تكتبى ملاحظاتك و الاسئلة اللى ممكن تيجى على بالك اثناء الاترفيو، وهيبان شكلك مش professional  ابدا لو انتى جاية مقابلة شغل و مش معاكى قلم! علشان كده أتأكدى وانتى نازلة من البيت انك معاكى قلمك الخاص و انه شغال :D ..