أفضل 10 فساتين red carpet dresses من حفلة الاوسكار للسنة دى
العالم كله بيستنى حفلة الاوسكار من السنة للسنة، وده مش لان الاوسكار بيعتبر أكبر حدث فنى فى السنة، لكن كمان لانه بيبقى عرض أزياء بتتألق فيه النجمات بمجموعة من أروع الفساتين اللى بيتسابق مصممى الازياء فى انهم يبدعوا فيها ويطلعوا احلى حاجة عندهم، فلو بتدورى على تفصيلة فستان جديدة ومحتارة! أكيد مفيش أحلى من فساتين النجوم علشان تلهمك، شوفى أفضل 10 فساتين red carpet dresses من حفلة الاوسكار للسنة دى ..
أفضل 10 فساتين red carpet dresses من حفلة الاوسكار للسنة دى
1.RUTH NEGGA :
فستان بديل طويل من الـ lace بأكمام طويلة و رقبة عالية بتفكرنا بستايلات العصر الفيكتورى، مع تاج من اللون الاحمر و red lipstick ، الفستان من valentino haute couture.
2.DAKOTA JOHNSON :
فستان اليجانت جدا من دار Gucci بستايل old – fashioned شوية بيفكرنا بفساتين التلاتينات و الخمسينات، بلون الـ champagne من الستان ، بأكتاف عالية و فيونكة كبيرة مفرودة من على الوسط.
3. ISABELLE HUPPERT :
تالت فستان معانا من red carpet dresses هو فستان النجمة Isabelle Huppert من دار Armani ، فستان اليجانت بأكمام طويلة و waistline متحدد و بيبرز التفاصيل من قماش الشيفون بلون pale pink مع حزام من الكريستالات اللامعة.
4.EMMA STONE :
اختيار النجمة ايما ستون لفستانها لحفلة الاوسكار كان غير متوقع و كتير من خبراء الفاشون و الازياء اعتبروه مفاجأة، فستان خفيف بمزيج من الجبير و التطريز بالخرز و كريستالات Swarovski بلون برونزى ملفت. الفستان من المصمم العالمى Riccardo Tisci و الحلق من Tiffany & Co.
5.MICHELLE WILLIAMS :
فستان بمزيج تقليدى وكلاسيكى من اللونين الابيض و الاسود، مناسب جدا لمناسبة ضخمة زى حفل الاوسكار، الخامة هى مزيج من الحرير و الشامواه و التل المزين بكريستالات علشان تدى لمعة لطيفة.
6.CHARLIZE THERON :
فستان أنيق جدا من ديور أسود بخيوط دهبية تدى لمعان و شياكة .
7.VIOLA DAVIS :
فستان بقصة مميزة جدا بخطوط متناسقة من على الرقبة ومنطقة الصدر و الاكتاف و ديل طويل من الخلف و لطول الرجل من قدام بلون أحمر مميز من دار Armani Prive ، الفستان ده مناسب جدا للافراح و الخروجات الليلية .
8.TERESA PALMER :
فستان بيفكرنا بستايلات الأميرات اعتمدت عليه النجمة تيريسا بالمر من دار برادا، بلون رصاصي سماوى مجسم من فوق و بنفشة خفيفة ابتداءا من منطقة الوسط ، مع خطوط من اللون السيلفر و حزام من الساتان .
9.NAOMIE HARRIS :
فستان strapless أبيض من غير أكتاف و بظهر على ستايل الـ cape من كالفين كلاين مميز جدا و بيدى لوك فريش و حيويى.
10.BRIE LARSON :
آخر فستان معانا من أفضل 10 فساتين red carpet dresses من حفلة الاوسكار للسنة دى هو فستان اسود مميز عملت بيه النجمة Brie larson اطلالة كلها شياكة و فخامة بتنيات مميزة جدا، و بيعتبر لوك مناسب للأوسكار. الفستان من دار La Renta .
اعرفى معانا كمان موضة الفستان المنزلق أو ال Skater Dress وإزاي تلبسيه
