10 فساتين بستايل الـ Boho Dresses هتقعى فى حبهم !
في
موضة وأزياء
1057
الـ Boho Dresses من ستايل الملابس الصيفية اللى بتعتبر شيك واليجانت وفى نفس الوقت مريحة ومن القطع المميزة اللى بتليق جدا مع جو و روح الصيف،
10 فساتين بستايل الـ Boho Dresses هتقعى فى حبهم !
1. Little Black Dress :
- الفستان بستايل little black dress من القطع اللى لازم تبقى موجودة عندك و بتثيت انه ستايل الـ boho مش موضة قديمة ولا استثناء، الفستان موجود بقصات وستايلات مختلفة منها القصير، الماكسي او الـ midi ، يعنى بأشكال كتيرة ممكن تختارى منها، ممكن كمان تختارى من النقشات الفلورال علشان تعملى لوك صيفى اكتر مع قطع الاكسسوارات المفضلة عندك وبكده تبقى جاهزة.
2. Little Red Dress :
- تانى ستايل من ستايلات الـ Boho dresses هو الـ Little Red Dress ، مفيش شك انه الاحمر لون قوى وملفت و بيعتبر هو اللون المثالى لو بتحبى تبانى و تظهرى، اللون الاحمر بيعتبر من الالوان الساحرة اللى بتجذبنا ليه بطريقة غريبة ! اختيارك من الفساتين بستايل الـ boho ممكن يكون باللون الاحمر لو كنتى بتفضليه وممكن يكون منقوش لو حبيتى تكسري حدة اللون شوية، و لو حبيتى تجربى حاجة مختلفة اكتر يبقى جربى ستايل الـ oversized .
3. Touch of Etno :
- ستايل بيشبه ستايل الـ boho هو ستايل الـ ento ، وبيمزج بين الستايلين ، زى الفستان اللى فى الصورة.. فستان ماكسي زى معظم الفساتين بستايل الـ boho ، لكن فى نفس الوقت منقوش بستايل الـ etno pattern ، البسيه مع flat sandals او كعب عالى ومع نضارة شمس واى اكسسوارات تانية تفضليها و بكده تبقى عملتى street style مميز ومختلف .
4. Boho Black :
- ستايل شيك و كاجوال و المزيج ده بيعتبر مثالى لأى بنت تحب تطور من الـ street style الخاص بيها ولو بشكل بسيط، ومن الـ Outfit ده نقدر نلاحظ انه التفاصيل مهمة ، يعنى لو من غير الحزام و الشوز ممكن نعتبر انه الـ outfit ده مش مبهر اوى ! علشان كده المرة الجاية لما تقررى تلبسي حاجة بستايل بوهو اهتمى انك تضيفى بعض الاكسسوارات الواضحة و الجريئة .
5. Flower Power :
- واحد من اشهر الستايلات الـ popular فى الـ Boho dresses هو الفستان الفلورال، سواء كان Tiny, big, colorful, simple, short, maxi يعنى فى مجموعة كبيرة جدا من الاختيارات اللى تختارى منها اللى يناسب ذوقك.
6. Pretty Patterns :
- تانى ستايل مشهور بعد الفستان البوهو الفلورال هو الفستان بنقشات مختلفة او الـ patterned boho ، بيعتبروا فى نفس جمال الفلورال ومع الشوز و الشنطة المناسبين بيبان classy جدا وشيك .
7. Oversized :
- الـ Boho dresses ممكن تبقى oversized لو بتحبى تلبسي النوع ده من الملابس، ممكن تلبسيه مع عقد طويل و شنطة و صندل مناسبين ، مناسب جدا لجو الصيف و بنوصى انك تجربى اللوك ده قبل ما موسم الصيف ينتهى.
8. Belted Boho :
- طريقة تانية تخلى بيها الفستان البوهو الخاص بيكى شكله حلو وساحر اكتر هى انك تلبسي معاه حزام على الوسط، ده هيخلى شكله يبقى لطيف جدا و شيك.
9. Maxi is Must :
- الفستان الماكسي بيعتبر فكرة حلوة جدا و ممكن تلبسيه فى معظم الاوقات من المناسبات الـ fancy للكاجوال او حتى لو هتشربي قهوة مع اصحابك، ممكن تلبسي الفستان ده مع كعب عالى او صندل .
10. Romantic Boho :
- مناسب للخروجات الرومانسية زى خروجاتك مع خطيبك او جوزك، النوع ده من الفستان البوهو بيعتبر من قطع الملابس اللى لازم يبقى موجود منها واحد على الاقل فى دولاب كل بنت ، هيساعدك فى مواقف كتيرة لما تقابلك المشكلة المعتادة ” مش لاقية حاجة البسها” ، علشان تعملى outfit مميز مع الفستان ده البسيه مع قعة الاكسسوارات المفضلة عندك.
شوفى معانا كمان موضة الفستان المنزلق أو ال Skater Dress وإزاي تلبسيه