افكار و ستايلات للبس الخريف

بقلمريهام محمود فيموضة وأزياء visibility2215

مع دخول موسم الخريف بنبدأ اننا ندور على لبس مش تقيل اوي ولا خفيف اوي عشان يناسب الجو المتوسط اللي ما بين الصيف والشتا, والنهاردة هنشوف مع بعض ستايلات للبس الخريف وافكار مختلفة كل بنت تقدر تختار منها اللي يناسبها.

زي ما كلنا شوفنا في الصيف ان الهدوم المطبوعة بالورد كانت محتلة موضة موسم الربيع والصيف كله, والموضة دي لسه مستمرة معانا لفصل الخريف كمان, وهتلاقي الطبعات مش بس على البلوزات او الجواكيت لكن كمان هنلاقيها على الكيمونو والبونشو اللي يعتبروا من القطع المناسبة جدا للخريف, واكيد لازم نحط في اعتبارنا لما نيجي نلبس اي حاجة مطبوعة تبقى قطعة واحدة بس من اللبس حسب اختيارك هي اللي مطبوعة والباقي سادة عشان اللوك ميطلعش اوفر او في دوشة كتير ومزعج للعين.

وكعادة فصل الخريف والشتا بتكون الالوان المحايدة هي السائدة لانها تعتبر انسب الوان للفصلين دول, لكن احنا ممكن نلبس الوان محايدة مع تصاميم بلمسة عصرية.

البالطو الطويل من القطع التريندي جدا في الموسم ده, ومن اكتر القطع المناسبة اللي ممكن تنسقيها معاه هو الجينز البوي فريند, وممكن كمان تنسقي البوي فريند مع جاكيت قصير او كارديجان.

ممكن تنسقي بليزر او فيست مع الجينز, بتبقى لوك عملي جدا وانيق في نفس الوقت, وعشان تكملي اللوك بتاعك ممكن تحطي سكارف كقطعة اضافية تظهر اللوك بتاعك بشكل احلى.

كل الستايلات اللي قولناها ممكن تنسقيها مع انكل بوت, او شوز بكعب لخروجات بعد الضهر, او سنيكرز للوك عملي للجامعة وخروجاتك الصبح.

ياللا نشوف مع بعض مجموعة ستايلات للبس الخريف:

افكار ازاي تلبسي الكيمونو الشيفون مع الحجاب

الكيمونو الشيفون مع الحجاب
الكيمونو الشيفون مع الحجاب