10 حاجات الناس السعداء بيعملوهم كل يوم الصبح

بقلمريهام محمود فيعلاقات visibility2394

كلنا تقريبا اول ما بنفتح عنينا ونصحى من النوم بنقعد نفكر في كل الحاجات اللي ورانا والمفروض نعملها خلال اليوم وهنلحق نخلصها ولا لا وبنفضل على نفس الحال ده يوميا طول الاسبوع لحد ما تيجي اجازة اخر الاسبوع عشان نرتاح شوية, لكن النهاردة هنقولك نصايح ازاي تبدأي يومك بشكل مختلف وتخليه احسن مهما كان اليوم او الظروف اللي حواليكي.

نصايح ازاي تبدأي يومك بشكل مختلف وتخليه احسن:

1- اصحي مع قلب وعقل شاكر لكل حاجة:

اول ما تفتحي عينك وقبل حتى ما تقومي من على السرير وتحطي رجلك على الارض تشكري ربنا على كل حاجة, انك لسه بتتنفسي, وانك لسه في حياتك يوم تاني تعيشيه, لان مشكلة كتير مننا اننا بننسى نشكر ربنا على النعم اللي اتعودنا على وجودها في حياتنا, فخليكي دايما شاكرة وحمدة ربنا على كل حاجة في حياتك.

2- فكري بس في اليوم الجديد:

اي حاجة حصلت امبارح او في اليوم اللي قبل كده هي حصلت وعدت خلاص, في اليوم الجديد حاولي تركزي فيه هو فيه لان كل يوم جديد هو فرصة جديدة لكل واحد فينا لكن لو فضلتي تفكري في اللي حصل امبارح مش هتعملي حاجة في يومك الجديد, وممكن كمان تحاولي تساعدي حد بيعاني من ظروف صعبة وتعملي فرق في حياتة بمساعدتك ليه.

 ازاي تبدأي يومك بشكل مختلف وتخليه احسن
ازاي تبدأي يومك بشكل مختلف وتخليه احسن

3- عيشي اللحظة:

ركزي وعيشي اللحظة اللي انتي فيها, خلصي الحاجة او المهمة اللي بتعمليها وبعدين فكري في اللي بعدها لكن متزحميش عقلك وتشتتي تفكيرك في كل اللي وراكي لانك هتلاقي نفسك مش هتنجزي حاجة خالص في النهاية.

4- متضيعيش طاقتك في حاجات مش مهمة:

كتير مننا بنصحى الصبح بنعمل نفس الحاجات وبنفس الطريقة, نقرا الايميل, نفضل رايحين جايين في البيت من غير هدف, تعملي حاجة لحد من قبل حتى ما تفطري, يعني بتضيعي طاقتك على حاجات مش مهمة قبل حتى ما تعملي حاجة لنفسك ولا تروحي جامعتك او شغلك, ودي حاجة غلط وغير صحية وبتجيب نتايج عكسية, لازم تبدأي يومك بعقل صافي وواضح وان مافيش حاجة تيجي قبل سعادتك وراحتك واسرتك حتى الشغل.

 ازاي تبدأي يومك بشكل مختلف وتخليه احسن
ازاي تبدأي يومك بشكل مختلف وتخليه احسن

5- افتكري دايما ايه هو المهم فعلا:

فكري دايما ايه هو المهم بالنسبة لك فعلا والمفروض تعمليه في يومك, اكيد لكل واحد فينا حاجات كتير ممكن تكون مهمة لكن فكري ايه اكتر حاجة مهمة فعلا بالنسبة لك واعمليها او خلي ليها الاولوية في يومك.

6- قدري الحاجات البسيطة في روتينك الصباحي:

قدري الحاجات البسيطة اللي بتحصلك كل يوم الصبح, وده ممكن يكون ان اليوم مشرق والشمس طالعة, تحضني ابنك او زوجك, حتى فنجان القهوة السخنة اللي بتشربيها الصبح, مهما كانت الحاجة بسيطة وصغيرة استقبليها بفرح وتقدير.

 ازاي تبدأي يومك بشكل مختلف وتخليه احسن
ازاي تبدأي يومك بشكل مختلف وتخليه احسن

7- اهتمي بعقلك وجسمك:

اهتمي بعقلك وجسمك, لان ده هيخليكي كمان تهتمي بغيرك لان اكيد مينفعش تدي غيرك وانتي اصلا مش مهتمة بنفسك, فحاولي انك خلال يومك اقري حاجة بتحبيها, مارسي رياضة, اقري قرآن, صلي, اعملي يوجا, تأمل, ايا كان النشاط اللي هتمارسيه فهو مهم جدا انك تعمليه خلال يومك.

8- ركزي على حاجة واحدة:

خلال اليوم كلنا بيبقى عندنا اكتر من مهمة نعملها, وعشان تعملي كل المهام اللي وراكي وانتي مرتاحة وتخلصيها كلها, ركزي على حاجة واحدة خلصيها وبعدين فكري في المهمة اللي بعدها, ركزي كل تفكيرك في المهام الصباحية اللي هتعمليها وبعدين هيئي او اعملي اعداد لعقلك لباقي اليوم.

 ازاي تبدأي يومك بشكل مختلف وتخليه احسن
ازاي تبدأي يومك بشكل مختلف وتخليه احسن

9- خلي في وقت تسترخي فيه:

الصبح هو اساس اليوم بتاعنا كله اللي بنحدد فيه كل حاجة هنعملها, لو حسيتي ان الحاجات اللي هتتعمل خلال اليوم كتير حاولي انك تقللي منها واختاري الاساسيات او الحاجات المهمة اكتر واعمليها, عشان تسيبي فرصة لنفسك ترتاحي ويكون في وقت للاسترخاء خلال يومك.

10- فكري في الواقع:

بتقضي وقت طويل انك تفكري في احلام او احتمالات؟ افتكري دايما انها مجرد احتمالات ومش واقعية على الاقل في الوقت الحالي, لكن ممكن تبقى حقيقة في وقت ما في المستقبل, عشان كده ركزي طاقتك في الواقع واللي موجود بالفعل في حياتك, وخدي خطوة صغيرة لقدام كل صباح او يوم جديد, وبردو فكري اكيد في احلامك لان هي اللي بتديكي دفعه لقدام لكن احذري انها تاخد كل يومك او يبقى كل تركيزك عليها بس وتنسي الواقع.

10 حاجات ممكن تسمم حياتك..وازاي تمنعيها عشان تعيشي حياة افضل

حاجات ممكن تسمم حياتك
حاجات ممكن تسمم حياتك