بالصور .. اشهر ستايلات خواتم الخطوبة فى 2017
فكرة انه الشخص اللى بتحبيه خلاص هيتقدملك و هيبقى معاكى طول العمر، هى اسعد حاجة ممكن تحصل لأى بنت ، واول ما توافقى يبقى بتعلنى التزامك وارتباطك بيه طول العمر وانكم خلاص بقيتوا شخص واحد وانكم بتعلنوا ده للعالم، و خاتم الخطوبة او خاتم الزفاف هو الطريقة اللى بتعلنوا بيها حبم والتزامكم لبعض. وعلشان تختارى خاتم عمرك صح وتعرفى ايه اجدد حاجة فى موضة خواتم الخطوبة ، فى المقال ده هنقولك بالصور اشهر ستايلات خواتم الخطوبة فى 2017.
بالصور .. اشهر ستايلات خواتم الخطوبة فى 2017 ..
نصيحة مهمة قبل ما تبداى تنزلى وتدورى على خاتم الخطوبة، لازم تحددى اختياراتك وتعرفى الاشكال او الستايلات اللى انتى حاباها و بتناسب شكل ايدك.
Classic Solitaire :
لو اختياراتك قليلة جدا وحابة حاجة كلاسيكية ولكن فى نفس الوقت شيك و موضتها مابتروحش ابدا، يبقى الخاتم بستايل الكلاسيك سوليتير هو اللى بتدورى عليه، وتقدرى تعتمدى عليه وتعملى style statement لسنين قدام، كمان مثالى لو بتدورى على حاجة بسيطة من غير تفاصيل كتير.
Round Cut Diamond :
الخواتم بستايل الـ round cut diamonds بتعتبر popular جدا السنة دى وبتعتبر رمز جميل للحب والارتباط و الرومانسية ، وبما انه الالماس هو افضل صديق للبنت فانتى هتبقى متألقة ومميزة جدا بالخاتم ده. علشان كده بيعتبر اختيار سليم جدا .
White Gold :
شعبية الخواتم من الدهب الابيض بتزيد السنة دى وبيعتبر هو اكتر خاتم منتشر ومحبوب فى 2017 ، بيتحمل اى اضرار و سهل تصلحيه وكمان شكله اليجانت وشيك جدا.
Side Stone Engagement Rings :
بتحبى الالماس لكن مش عايزاه يبقى كتير و شكله يعمل دوشة؟ يبقى هو ده الاختيار الصح، الخواتم بتصميم side stone مثالية علشان تحقق الشكل الرومانسي اللى انتى عايزاه وفى نفس الوقت تحتفظى بالبساطة.
Halo Engagement Ring:
الـ Halo engagement rings بتعتبر من الخواتم اللى فيها تفاصيل كتيرة و يعنى شكلها بيبقى ظاهر وواضح اوى للعين، يعنى لو انتى من الناس اللى بتحب حاجاتها ظاهرة وملفتة يبقى الخاتم ده بتاعك، خاتم بلون دهبى او فضى مع فص ألماس كبير فى النص حواليه فصوص تانية صغيرة بالاضافة الى فصوص اصغر فى الحجم على طول حلقة الخاتم.
شوفى معانا كمان 12 تصميم مختلفين لموضة خاتم الزفاف بلون الروز جولد Rose Gold wedding Ring