12 تصميم مختلفين لموضة خاتم الزفاف بلون الروز جولد Rose Gold wedding Ring
ايام الدبلة الدهب او البلاتين بدأت يروح عليها خلاص، لانه الجديد فى عالم المجوهرات بقى مبهر و حلو جدا و يخطف العين اكتر من اى حاجة تانية. دلوقتى دى ايام الـ Rose Gold wedding Ring ، وبما ان خاتم جوازك هو زى ما بنقول خاتم عمرك، يبقى لو كنتى عروسة جديدة المقال ده مهم ليكى، اعرفى معانا 12 تصميم مختلفين لموضة خاتم الزفاف بلون الروز جولد Rose Gold wedding Ring .
12 تصميم مختلفين لموضة خاتم الزفاف بلون الروز جولد Rose Gold wedding Ring
ايه هو لون الـ Rose Gold؟
الروز جولد هو فى الاساس دهب ابيض بس ممزوج بنسبة زيادة من النحاس والدهب الاصفر، وده اللى بيديله اللون الروز. و النسبة العالية من النحاس هى السبب فى انه اللون الروز هو اللى بيبقى باين اكتر.
ايه هى عيوبه ؟
قبل ما نبدأ نعرض عليكى ستايلات مختلفة وتنبهرى بالخاتم ده، لازم الاول تعرفى ايه هى عيوبه قبل ما تعرفى مميزاته. الخاتم بلون الروز جولد معمول من نسبة كبيرة من الـ Copper او الـنحاس وده مع مرور الوقت لونه بيغير وفى النهاية ممكن يسود و يخسر لمعته ، فبيبقى محتاج اهتمام وعناية خاصة جدا فلو مش مستعدة لحاجة زى كده يبقى الخاتم ده مش بتاعك.
خواتم الزفاف بلون الروز جولد موضة جدا الفترة دى وهتشوفيها كتير، وبما انهم بادئين يظهروا بقوة هتلاقى منهم تصميمات كتيرة ومختلفة ممكن تختارى منها كعروسة. وكل تصميم فيهم هتلاقيه unique ومايشبهش غيره. ولانه زى ما قلنا خاتم جوازك هو خاتم عمرك، يبقى لازم تختارى صح اوى .
الـ Rose Gold twins :
لو عايزة تلبسي حاجة مختلفة وفى نفس الوقت ماتبقاش مبهرجة اوى يبقى جربى الـ rose gold twins ،اللى هتغنيكى عن انك تشترى دبلة منفصلة مع الخاتم، لانه بيعتبر دبلة وخاتم مع بعض. التوينز او الخاتم من قطعتين او تلاتة بلون الروز جولد بيبقى بسيط نوعا ما ومش بيلمع زيادة او فيه تفاصيل كتير مبهرجة.
Antique Rose Gold Rings :
قلنا انه الـ Rose Gold wedding Ring جديد فى موضة المجوهرات ، لكن الحقيقة انه خواتم الروز جولد القديمة او الـ antique rose gold rings موجودة من مئات السنين، لانها كانت مشهورة جدا فى القرن الـ 19 و كانت خواتم الزفاف الملكية كلها بلون الروز جولد واللون رجع يبقى popular تانى لما دار مجوهرات Cartier بدأت فى انتاجها مع خواتم تانية باللون الاصفر والابيض.
Rose Gold Designs :
مصممى المجوهرات حاليا بيدوا اهتمام خاص لتصميم الخواتم بلون وخامة الروز جولد لانه هى التريند دلوقتى ، و ممكن تصممى الخاتم الخاص بيكى حسب ذوقك ودى بيديكى اختيارات اكتر. دور المجوهرات العالمية زى Cartier بدأت فى نصميم وانتاج كوليكشن كامل من الـ Rose Gold wedding Ring .
ودلوقتى خلينا نشوف مع بعض البوم كامل لـخاتم الزفاف بلون الروز جولد Rose Gold wedding Ring
