بالصور و الفيديو : افضل 8 Korean Makeup Tutorials لازم تجربيهم

آية حسان

في

2360

يلا ناخد break من المكياج التقليدى اللى بنعمله كل يوم ونجرب technique جديد فى المكياج، فى المقال ده هنعرف افضل بالصور و الفيديو افضل 8 Korean Makeup Tutorials لازم تجربيهم ، خلينا نبدأ :)..

بالصور و الفيديو : افضل 8 Korean Makeup Tutorials لازم تجربيهم ..

1- Everyday Look :

اكتر حاجة مميزة فى المكياج الكورى هى انه بيبان طبيعى و بسيط جدا، ورغم كده بيغير اللوك تماما و بيدى شكل حلو و مابنحسش بيه لكن بيقى فى لمسات بالألوان بتخلى الوش مشرق و فاتح ، البنات فى كوريا بيبحبوا يعملوا المكياج خفيف وبيستخدموه فى الـ everyday look الخاص بيهم . بيركزوا انهم يستخدموا الهايلايتر علشان يبرزوا جمال بشرتهم ممكن تعتمدى على التكنيك ده فى مكياجك الخفيف كل يوم الصبح وانتى نازلة رايحة الكلية او الشغل.

2- Glam Smokey Burgundy :

لو عندك سهرة او فرح او مناسبة وخصوصا بالليل وعايزة تعملى مكياجك بنفسك يبقى المكياج المناسب هو الـ glam Smokey burgundy ، فى الـ technique ده بيعتمدوا بشكل كبير على العدسات الملونة، فلو كنتى من البنات اللى بتحب شكلها بالعدسات الملونة او بتستخدم العدسات اصلا يبقى انتى كده قطعتى نص المشوار ! استخدام العدسات الملونة فى اللوك ده أساسي لانها هتبين العين اكبر واوسع خصوصا مع الـ Smokey eyes look ، جربى تستخدنى عدسات بلون grey مع المكياج السموكى بالذات لو كنتى من أصحاب البشرة الفاتحة و هتعملى لوك مذهل !

3- Peach Makeup :

اللون الخوخى بيعتبر لون مثالى لأجواء الربيع و الصيف ، اكتر الوان بيستخدموها الكوريات فى مكياجهم هى درجات الخوخى و البينك و الـ skin tones عموما، لانها بتتناسب جدا مع بشرتهم الفاتحة وكمان الالوان دى فى العموم بتدى لون وحياة لوشك من غير ما تضطرى تستخدمى الوان تانية كتير معاها او كميات اكبر من المكياج.

4- Edgy Grunge Look :

لو بتحبى الالوان الغامقة و التقيلة واللوك الجرئ يبقى تكنيك الـ grunge Korean look هو المناسب ليكى ، التكنيك فى الستايل ده انه بيبقى مكياج خفيف على العيون و بيجذب كل الاهتمام لمكياج الشفايف ، يعنى بيعتمد على الالوان الغامقة و الجريئة للشفايف زى البنفسجى و الموف و الأحمر الغامق.

5- Bright Lips Look

زى ما قلنا انه الكوريات بيعتمدوا على المكياج الفاتح لكن كمان ساعات بيلجأوا للمكياج الظاهر و خصوصا فى تكنيك الـ bright lips ، يعنى الالوان الظاهرة على الشفايف لكن الفاتحة برده زى الفوشيا، الاحمر الناصع وغيرها و المميز فى اللوك ده انه مناسب لليل و للنهار كمان .

6- Gradient Lips :

الـ Gradient lips واحدة من أشهر الـ Makeup trends الفترة دى و اساسها كوريا، التكنيك فى اللوك ده بيعتمد على استخدام درجتين مختلفتين من نفس اللون و غالبا بيكون البمبى او البينك ، بنستخدم اللون الفاتح على الجزء الخارجى للشفايف و اللون الغامق لجوه و فى المنتصف، فى اكتر من طريقة لعمل اللوك ده ،ـ بس دى بتعتبر هى اسهل طريقة لعمل اللوك ده ، الفكرة كلها هى انك تعرفى تدمجى بين اللونين صح .

شوفى هنا ازاى تعملى بنفسك موضة مكياج الـ Gradient-Lip بالصور والخطوات .

7- Dewy Skin :

فى الوقت اللى المكياج الاميركى فيه بيعتمد على اللوك المات Matte finish look الا انه المكياج الكورى بيعتمد دايما على اللوك الفريش و المنور اللى بيدى اضاءة للوش ، طريقةالـ dewy makeup بتبرز جمال وصحة البشرة و بتبينها ناعمة ومشرقة، وطبعا بما انه مش كلنا بنصحى من النوم و بشرتنا فى احسن حالاتها، التكنيك ده من المكياج الكورى بيساعدك تطلعى بلوك بشرة ناعمة ومشرقة و بشكل طبيعى بنسبة كبيرة.

8- Straight Brows :

آخر حاجة هنتكلم فيها من Korean Makeup Tutorials هى الحواجب ، فرق تانى كبير بين المكياج الكورى و المكياج الامريكى او الغربى ، المكياج الامريكى او الغربى بيعتمد على الحواجب المرفوعة واللى فيها كسرة او الـ high arch eyebrows، اما المكياج الكورى فبنلاقيهم بيعتمدوا على شكل الحواجب المستقيمة او الـ straight eyebrow. و الرسمة دى من الحواجب بتليق جدا على ملامح الكوريات و بتبين سنهم اصغر بكتير من عمرهم الحقيقى، وبتديهم لوك طبيعى اكتر.