ازاى تعملى بنفسك موضة مكياج الـ Gradient-Lip بالصور والخطوات

آية حسان
آية حسان
في
مكياج
3313

Gradient-Lip  بيعتبر نوع من انواع المكياج الـ Ombre وكمان هو  اشهر موضة فى مكياج الشفايف فى دول آسيا بالتحديد، واكيد كلنا لاحظناه  فى مكياج ممثلات المسلسلات الكورى و اليابانى، وده لانهم فى الدول دى بيميلوا للمكياج الهادى و اللى بيبان طبيعى وكأنهم مش حاطين حاجه، و تكنيك الـ Gradient-Lip بيأثر على شكل الشفايف وبيخليها تبان بلون طبيعى جدا و كمان بيصغر الفم لو كان واسع او كبير، والتكنيك ده بيعتبر من الـ trends دلوقتى فى امريكا كمان، لانه بيخليكى تبانى اصغر و بيديكى جمال طبيعى، وعلشان احنا فى بنات حوا مهمتمين نوصلك كل جديد فى عالم المكياج، اعرفى معانا فى المقال ده ازاى تعملى الـ Gradient-Lip فى خطوات بسيطة ..

ازاى تعملى بنفسك موضة  مكياج الـ Gradient-Lip بالصور والخطوات …

الخطوة الاولى : استخدمى الكونسيلر

فى اول خطوة هنرطب الشفايف كويس باستخدام زبدة كاكاو ونتخلص من الكمية الزيادة باستخدام منديل، بعد كده هنفرد طبقة رقيقة وخفيفة اوى من الكونسيلر على الشفايف ويفضل يكون كريمى علشان يثبت اللون لاطول مدة ممكنة، وباستخدام منديل اتخلصى من اى زوايد.

الخطوة الاولى استخدمى الكونسيلر

الخطوة الاولى استخدمى الكونسيلر

الخطوة الثانية : استخدمى روج بلونك المفضل

فى الخطوة دى هنستخدم روج بلونك المفضل ” لكن فى التكنيك ده يفضل يكون لونه بمبى او روز علشان يبقى شكله طبيعى اكتر” ولازم يكون الروج على شكل قلم زى اللى فى الصورة زى Maybelline New York Lip Studio Color Blur Lip. وهنستخدمه على طول   حافة الشفايف من جوه فى الشفتين وركزى على نص الفم لكن ماتعديش مساحة اربع اسنان.

الخطوة الثانية استخدمى روج بلونك المفضل
الخطوة الثانية استخدمى روج بلونك المفضل

الخطوة الثالثة : ادمجى

قلم الروج اللى قلنا عليه فى الخطوة السابقة موجود فيه smudger سيليكون للدمج، لكن ممكن تستبدليها بأى smudger او beauty blender سيليكون عندك، ولو مفيش ممكن تستخدمى صوابعك لكن بحرص. فى الخطوة دى ابدأى اسحبي اللون تدريجيا من منتصف الشفايف لحد زوايا الفم وخدى بالك انه اللون فى النص لازم يكون هو الاوضح و يكون بيخف بشكل تدريجى لحد نهاية الفم ، ادمجى بحركة عرضية او بشكل افقى على طول الشفايف و مش بشكل رأسى ” يعنى تكون حركة الدمج يمين وشمال مش لفوق ولتحت” وده علشان تدارى كل الكونسيلر وتقدرى تعملى اللوك الطبيعى لشفايفك.

الخطوة الثالثة ادمجى
الخطوة الثالثة ادمجى

الخطوة الرابعة : امسحى الزوايد

باستخدام منديل  اضغطى على شفايفك مرة تانية علشان تشيلى اى لون او زيوت زيادة، الحركة دى كمان هتساعد اللون يثبت فى مكانه.

الخطوة الرابعة امسحى الزوايد
الخطوة الرابعة امسحى الزوايد

اللوك النهائى :

كده يكون اللوك بقى كامل وشكله طبيعى وهادى، ماتنسيش انه الروج اللى هتستخدميه لازم يكون مت علشان توصلى للنتيجة المطلوبة، يلا جربيه وقوليلنا رأيك :)

اللوك النهائى
اللوك النهائى

اعرفى كمان ايه هى ايه هى طريقة مكياج الـ smokey eyes صح من kendall jenner 

مقالات متعلقه

تكنيك “I’m Cold Makeup” احدث تريند مكياج على التيك توك للشتا

تكنيك “I’m Cold Makeup” احدث تريند مكياج على التيك توك للشتا

اعرفي ازاي تختاري محدد الشفاة Lip liner  لاستخدام كل يوم، وايه هي الانواع الموضة دلوقتي

اعرفي ازاي تختاري محدد الشفاة Lip liner لاستخدام كل يوم، وايه هي الانواع الموضة دلوقتي

اعرفي إزاي تعملي مكياج الشفايف زي المحترفين بخطوات بسيطة وسهلة

اعرفي إزاي تعملي مكياج الشفايف زي المحترفين بخطوات بسيطة وسهلة