10 حيل ونصايح بالمكياج تخلي بيهم عينك اوسع

ريهام محمود
ريهام محمود
في
مكياج
6921

كل بنت اكيد بتحلم بعيون واسعة ومعبرة وجذابة, ومع حيل ونصايح خبراء التجميل من جميع انحاء العالم هتسهل علينا المهمة دي,والنهاردة جايبين لكل بنات حوا 10 حيل تخلي بيهم عيونك اوسع وجذابة اكتر.

حيل تخلي بيهم عيونك اوسع:

1- استخدمي لونين ايشادو:

من الحيل اللي بينصح بيها “جيك بيلي” واحد من اشهر خبراء التجميل في هوليوود انك تستخدمي درجتين ايشادو من نفس اللون زي ما هو باين في الصورة كده استخدمتين الموف الفاتح والغامق, ده بيخلق تأثير اوسع للعيون.

حيل تخلي بيهم عيونك اوسع 1
حيل تخلي بيهم عيونك اوسع 1

2- حطي الايشادو بشكل صح:

مهم جدا اننا نحط درجات الايشادو بشكل صح على العين عشان تدينا وسع للعين, وبتنصح خبيرة التجميل “سارة لوسيرو” مهم انك تحطي الوان في منتصف خط الرموش, والتركيز على منتصف الجفن العلوي لان ده يعتبر اوسع جزء في العين هيخليكي تقدري ترسمي خطوط بسهولة اكتر وتظهري العين.

حيل تخلي بيهم عيونك اوسع 2
حيل تخلي بيهم عيونك اوسع 2

شوفي من هنا الدليل الكامل ازاي تحطي مكياج العين بتاعك باحتراف.

3- متخافيش من استخدام قلم عين وايلاينر بألوان جريئة:

متخافيش من استخدام الالوان الجريئة والمشرقة زي الازرق او الارجواني, وخبيرة التجميل “لورا جيلر” بتنصح ان كل ما كان اللون مشرق ده بيدي وسع للعين اكتر وبيظهرها بس المهم نستخدمها بشكل صحيح, وكمان بتدي العين عمق.

4- نفذي قاعدة تنية الجفن:

خبيرة تجميل انجلينا جولي ومادونا “جوانا سكليب” بتنصح باتباع قاعدة “تنية الجفن” اللي بتكون في الجفن العلوي انك ترسمي خط الايشادو في المنطقة دي ده هيساعدك على اظهار العين وهيبينها بشكل اوسع.

حيل تخلي بيهم عيونك اوسع 5
حيل تخلي بيهم عيونك اوسع 5

5- استخدمي تقنية الاومبري:

كلنا عارفين ان الاومبري هو تكنيك تدريج الالوان والتكنيك ده مش بس ممكن ننفذه للشعر والشفايف كمان ممكن نستخدمه لمكياج العيون عشان نظهرها بشكل اوسع, وبتنصح خبيرة التجميل “مايبلين شارلوت ويلز” باستخدام تكنيك الاومبري باستخدام درجات الفاتح والغامق من نفس اللون, ارسمي الدرجة الفاتحة على الجفن كله والدرجة الغامقة على الزاوية الخارجية للعين بس, والطريقة دي هتخلي العين تظهر بشكل اوسع.

حيل تخلي بيهم عيونك اوسع 6
حيل تخلي بيهم عيونك اوسع 6

6- استخدمي درجات البيج لمكياج طبيعي:

لو عايزة تبيني عيونك اوسع من غير ما تستخدمي الوان كتير وتطلعي بلوك طبيعي استخدمي درجات البيج, استخدمي اللون اللؤلؤي على طول الزاوية الداخلية للعين, وارسمي العين بايلاينر بني او بيج لانه بيدي لوك طبيعي جدا للعين اكتر من الابيض او النوع المضيء.

حيل تخلي بيهم عيونك اوسع 7
حيل تخلي بيهم عيونك اوسع 7

7- اعملي كونتور للعين لنظرة مشرقة:

عشان تخلي العين معبرة وجذابة اكتر, طبقي الايشادو البني الفاتح على الجفون اللي فوق واللي تحت, وسلطي الضوء على الزاوية الخارجية للعين مع ايشادو لؤلؤي, وطبقي الايشادو الابيض تحت الحاجب عشان تظهري العين اكتر.

حيل تخلي بيهم عيونك اوسع 8
حيل تخلي بيهم عيونك اوسع 8

شوفي من هنا رسمة العين السموكي المناسبة لشكل كل عين.

8- سموكي ايز كلاسيك لنظرة درامتيكية:

طبقي ايشادو نيود على الجفن اللي فوق كله, وبعدين استخدمي قلم العيون ارسمي بيه خط على طول خط الرموش اللي فوق, وبعدين على طول خط الرموش اللي تحت, وبعدها ادمجي الالوان مع بعض عشان تعملي لوك سموكي, وسلطي الضوء على الزاوية الداخلية للعين بالايشادو الابيض.

حيل تخلي بيهم عيونك اوسع 9
حيل تخلي بيهم عيونك اوسع 9

9- استخدمي الايشادو لبطانة العين:

اللون البني واللؤلؤي من الالوان اللي بتدي وسع للعين, ابدأي بقلم ابيض عند الزاوية الداخلية للعين, وبعدين حطي لون الايشادو الاساسي اللي هو بيكون اللون الفاتح على الجفن اللي فوق كله, وارسمي خط باللون البني او الرمادي على خط الرموش اللي فوق, واستخدمي اللون اللؤلؤي على خط الرموش اللي تحت.

حيل تخلي بيهم عيونك اوسع 10
حيل تخلي بيهم عيونك اوسع 10

10- سلطي الضوء على محيط العين باستخدام ايشادو مضيء:

الايشادو او الايلاينر المضيء من الحاجات المثالية جدا لتسليط الضوء على شكل العين, ارسمي العين باي درجات تفضليها من النوع المضيء هتبين عينك اوسع وهتظهر العين اكتر.

حيل تخلي بيهم عيونك اوسع 11
حيل تخلي بيهم عيونك اوسع 11

طريقة رسم الايشادو بالخطوات .. وازاي تختاري اللي يناسبك

رسم الايشادو
رسم الايشادو

مقالات متعلقه

نصايح مكياج للعيون المبطنة

نصايح مكياج للعيون المبطنة

10 حيل تجميلية بسيطة ممكن تعمليها عشان تطلعي بلوك احلى في وقت سريع

10 حيل تجميلية بسيطة ممكن تعمليها عشان تطلعي بلوك احلى في وقت سريع

10 نصايح مكياج من خبراء مكياج المشاهير هتفرق معاكي

10 نصايح مكياج من خبراء مكياج المشاهير هتفرق معاكي