16 استخدام مفاجيء لغسول الفم مكنتيش تعرفيها قبل كده

بقلمريهام محمود فيمنوعات visibility12137

كلنا عارفين غسول الفم ان هو مطهر للفم واللثه لكن اللي منعرفوش انه ليه استخدامات تانية مفيدة جدا بسبب انه بيحتوي على خصائص مطهرة ومضادة للفطريات فده بيخليه ليه فوايد صحية تانية زي علاج حب الشباب, وقشرة الشعر, وللقدمين, وغيرها من الفوايد والنهاردة هنعرف مع بعض من خلال موضوعنا استخدامات غسول الفم المختلفة.

استخدامات غسول الفم:

1- ازالة الروايح الكريهة:

غسول الفم بيساعد انك تتخلصي من اي روايح كريهة.

– بعد الطبخ لو في ايدك اي ريحة مش عايزة تروح زي ريحة الثوم او البصل او السمك, بكل بساطة ممكن تتخلصي منها بانك تفركي ايدك بغسول الفم.

– لو عايزة تحافظي على ريحة رجلك حلوة وتمنعي اي روايح كريهة فيها بعد الحمام هاتي فوطة حطي عليها شوية من غسول الفم ودلكي بيها القدمين هتحافظ على ريحة رجلك حلوة.

– عشان تمنعي اي ريحة كريهة تطلع من سلة القمامة في المطبخ هاتي قطع قطن او مناديل ورق واعمليها كور صغيرة وحطي عليها غسول الفم وحطيها جوه السلة.

استخدامات غسول الفم
استخدامات غسول الفم

2- لعلاج فطريات الاظافر والقدمين:

اخلطي كميات متساوية من غسول الفم والخل الابيض وبلي قطعة قطن من الخليط وادهني بيها الاظافر والقدمين من 2 – 3 مرات في اليوم, لو استمريتي على الوصفة دي بانتظام هتخلصك من مشكلة الفطريات خلال اسابيع.

استخدامات غسول الفم
استخدامات غسول الفم

3- علاج ومنع قشرة الشعر:

غسول الفم بيحتوي على خصائص مضادة للفطريات وده بيخليه علاج مثالي جدا لعلاج ومنع قشرة الشعر, امزجي كميات متساوية من غسول الفم والمية, اغسلي شعرك بالشامبو بالطريقة العادية وبعدين حطي الخليط على الشعر وسيبيه من 10 – 15 دقيقة وبعدها اغسليه بالمية.

استخدامات غسول الفم
استخدامات غسول الفم

4- علاج لدغات النموس:

لو بتعاني من لدغ النموس, هاتي قطنة وحطي عليها غسول الفم وامسحي بيها على مكان اللدغة, الطريقة دي هتقلل بشكل فعال من التورم والحكة.

استخدامات غسول الفم
استخدامات غسول الفم

5- استخدامه كتونر منظف للبشرة:

ممكن تستخدمي غسول الفم كمان كبديل لتونر البشرة, مش بس بيزيل اثار المكياج والاوساخ من البشرة كمان بيحارب البثور وحب الشباب, حطي الغسول على قطعة قطن وامسحي بيها بشرتك, لكن جربي الاول على جزء صغير من البشرة عشان تتأكدي ان بشرتك مش حساسة منه.

استخدامات غسول الفم
استخدامات غسول الفم

6- منع العدوى:

لو عندك اي جرح على البشرة غسول الفم هيساعد ان الجرح يخف اسرع ويمنع العدوى او ان الجرح يتلوث, بكل بساطة امسحي بيه مكان الجرح يوميا.

استخدامات غسول الفم
استخدامات غسول الفم

7- منع الكدمات:

لو اتخبطتي ومش عايزة الخبطة تعلم او على الاقل تقللي من تأثيرها, بلي قطنة من غسول الفم وادهني بيها مكان الكدمة.

استخدامات غسول الفم
استخدامات غسول الفم

8- استخدامه كمزيل عرق:

من استخدامات غسول الفم كمان انك ممكن تستخدمية كبديل لمزيل العرق, هاتي قطعة قطن وحطي عليها غسول الفم وامسحي بيها تحت الابطين.

استخدامات غسول الفم
استخدامات غسول الفم

9- لمنع حشرات الشعر:

غسول الفم يعتبر علاج فعال جدا للتخلص من حشرات الشعر, ادهني الشعر بغسول الفم وغطيه بطاقية الشعر او بكيس بلاستيك وسيبيه من 15 – 20 دقيقة وبعدين اغسليه بالمية.

استخدامات غسول الفم
استخدامات غسول الفم

10- تهدئة القدمين:

لو رجلك تعبانة عشان تريحيها, هاتي طبق حطي فيه مية دافية وضيفي لها من 2 – 3 غطيان من غسول الفم يعني العيار يكون الغطا بتاعه, وانقعي رجلك فيها لمدة 15 دقيقة على الاقل.

استخدامات غسول الفم
استخدامات غسول الفم

11- منظف للزجاجات:

لو عندك زجاجات عايزة تنضفيها من جوه وتزيلي منها اي روايح, حطي جواها كمية من غسول الفم وضيفي لها 3 اضعاف الكمية مية وسيبيها طول الليل واغسليها الصبح.

استخدامات غسول الفم
استخدامات غسول الفم

12- تنضيف فرش الاسنان:

زي ما قولنا ان غسول الفم بيحتوي على خصائص مطهرة عشان كده يعتبر مثالي جدا لتنضيف فرش الاسنان, انقعي الفرشة في الغسول من بالليل للصبح وبعدين اشطفيها بمية سخنة.

استخدامات غسول الفم

13- تنضيف النضارات:

عشان تنضفي النضارات بتاعتك بطريقة فعالة جدا, هاتي قماشة ناعمة وحطي عليها غسول الفم وامسحي النضارات بيها.

استخدامات غسول الفم

14- تنضيف الحمام:

لو عايزة بلاط الحمام يرجع كانه جديد, اخلطي ½ كوباية من غسول الفم مع كوباية مية وادعكي بيها البلاط بالفرشة.

لو عايزة تنضفي قعدة التواليت وتتخلصي من اي روايح فيه, صبي ½ كوباية من الغسول في القعدة وسيبيها ساعة وبعدين ادعكيها بالفرشة واشطفيها بالمية.

استخدامات غسول الفم

15- لابعاد الحشرات من البيت:

الحشرات بتهرب من ريحة المنثول اللي موجود في الغسول, عشان كده يعتبر فعال جدا في ابعاد النمل والنموس والذباب من البيت, اخلطي كميات متساوية من الغسول والمية وحطيها في ازازة ببخاخ ورشي منها في البيت.

استخدامات غسول الفم

16- الحفاظ على الورد فترة اطول:

عشان تحافظي على الورد ويفضل محافظ على شكله وريحته لفترة اطول, حطي مع المية اللي محطوط فيها الورد لكل لتر 3 غطيان من غسول الفم, ده هيساعد انها تقعد فترة اطول معاكي.

استخدامات غسول الفم
استخدامات غسول الفم

10 استخدامات مفاجأة لزبدة الكاكاو مكنتيش تعرفيها قبل كده

استخدامات زبدة الكاكاو