7 نشاطات رائعة تعمليها عشان متضعفيش قدام الاكل

بقلمريهام محمود فيتخسيس الوزن visibility5602

كتير مننا لما بنكون تحت ضغط نفسي او متوترين ده بيزود رغبتنا للاكل وبنحاول نهرب من الضغط ده باننا ناكل اي حاجة تيجي قدامنا وبكميات كبيرة زي الشوكولاتة او الشيبسي او الحلويات وغيرها من الحاجات اللي ممكن تسبب لنا زيادة في الوزن, عشان كده النهاردة جايبين لكل بنات حوا نشاطات تعمليها عشان متضعفيش قدام الاكل ولما تحسي بتوتر او ضغط نفسي تعمليها بدل ما تاكلي وكمان هتساعدك انك تتخلصي من الاجهاد والضغط النفسي.

نشاطات تعمليها عشان متضعفيش قدام الاكل:

1- روحي اتمشي:

المشي واحد من الطرق اللي ممكن تهربي بيها من الاكل وفي نفس الوقت هيساعدك تتخلصي من الضغط , المشي مفيد جدا لتفريغ الضغط, ويعتبر نوع من التمارين اللي بتساعد على افراز الاندروفين اللي بيحسن المود وبيديكي طاقة ايجابية, والمشي كمان بيساعد على تصفية الذهن جدا, وهتحسي فرق كبير في مودك وحالتك النفسية بعد ممارسة المشي.

نشاطات تعمليها عشان متضعفيش قدام الاكل
نشاطات تعمليها عشان متضعفيش قدام الاكل

2- اتصلي بصاحبتك:

اوقات كتير بتكون الفضفضة حل سريع وفعال جدا, اتصلي بأقرب صاحبة ليكي اللي دايما متعودة تحكي لها كل حاجة واتكلمي معاها في مشكلتك هتحسي براحة جدا بعد الفضفضة دي لانك هتفرغي الضغط اللي عندك وهتساعدك تتخلصي من الاحباط, وممكن تديكي نصايح واقتراحات وتساعدك في حل مشكلتك.

نشاطات تعمليها عشان متضعفيش قدام الاكل
نشاطات تعمليها عشان متضعفيش قدام الاكل

3- اشربي مية:

المية ممكن تكون مش هتساعد على تقليل الضغط لكن هيديكي لحظة توقف من التوتر ولحظة تفكير قبل ما تضعفي قدام الاكل, والمية ممكن تساعدك كمان في قتل الرغبة في اكل سناكس او وجبة خفيفة.

نشاطات تعمليها عشان متضعفيش قدام الاكل
نشاطات تعمليها عشان متضعفيش قدام الاكل

4- حطي قايمة للاكل:

لو كل تركيزك وتفكيرك في الاكل ممكن تعملي حاجة مرتبطة بالاكل من غير ما تاكلي, انك تحطي قايمة للاكل بتاع الاسبوع مثلا, او تعملي بحث عن وصفات اكل جديدة تجربيها.

نشاطات تعمليها عشان متضعفيش قدام الاكل
نشاطات تعمليها عشان متضعفيش قدام الاكل

5- ممارسة الرياضة:

ممارسة الرياضة زي ما قولنا بتفرز الاندروفين اللي بيساعد على تحسين المود, والرياضة تعتبر من احسن الطرق اللي ممكن تخلصك من الضغط النفسي والتوتر, ومش بس كده كمان ليها تأثير ايجابي على الصحة بشكل عام وهتخليكي تبقي عايزة تاكلي اكل صحي اكتر لانك هتبقي عايزة متضيعيش نتيجة الرياضة اللي انتي عملتيها بجنك فود او اكل مش صحي.

نشاطات تعمليها عشان متضعفيش قدام الاكل
نشاطات تعمليها عشان متضعفيش قدام الاكل

6- اكتبي اللي حاسه بيه:

الكتابة من الطرق الممتازة جدا اللي ممكن تساعد على تفريغ الضغط النفسي, اكتبي وخرجي مشاعرك وكل اللي انتي حاسه بيه على الورق, ولو مش عايزة تحتفظي بيها ممكن تتخلصي منها او تقطعيها بعد كده بس المهم انك هتكوني خرجتي مشاعرك كلها واتخلصتي من الضغط.

نشاطات تعمليها عشان متضعفيش قدام الاكل
نشاطات تعمليها عشان متضعفيش قدام الاكل

7- حطي خطة لحل المشكلة:

احيانا بيكون افضل طريقة للتعامل مع الاجهاد او الضغط هو التعامل معاه, يعني حاولي تبصي لمشكلتك من منظور خارجي وتفكري في حلول ممكنة وتختاري انسب حل ليها.

نشاطات تعمليها عشان متضعفيش قدام الاكل
نشاطات تعمليها عشان متضعفيش قدام الاكل

ودي كانت بعض الحلول البسيطة اللي ممكن تلجأي لها بدل ما تضعفي قدام الاكل, ولو جربتي اي طرق تانية ممكن تشاركيها معانا.

17 طريقة مختلفة علشان تخسي 5 كيلو بسهولة

17 طريقة مختلفة علشان تخسى 5 كيلو بسهولة
17 طريقة مختلفة علشان تخسى 5 كيلو بسهولة