ازاى تعملى رسمة ايلاينر الـ cat eye المعكوسة بالصور و الفيديو

بقلمآية حسان فيمكياج visibility4326

رسمة عين الـ cat eye  مشهورة و معروفة جدا و طول الوقت بنشوفها موجودة فى موضة المكياج ، لكن الجديد اللى هنشوفه مع بعض النهارده هى رسمة ايلاينر الـ cat eye المعكوسة او الـ reversed cat eye eyeliner ! فى المقال ده هتعرفى معانا ازاى تعملى الطريقة الجديدة دى فى رسم الايلينر بالصور و الفيديو كمان و بخطوات بسيطة ..

ازاى تعملى رسمة ايلاينر الـ cat eye المعكوسة  بالصور و الفيديو 

رسمة ايلاينر الـ cat eye المعكوسة  بالصور و الفيديو
رسمة ايلاينر الـ cat eye المعكوسة بالصور و الفيديو

الخطوة الاولى : حددى الجفن الى فوق برسمة cat eye عادية

فى الخطوة الاولى علشان تعملى رسمة ايلاينر الـ cat eye المعكوسة  هتستخدمى فرشة رسم ايلاينر و ايلاينر جيل مش سائل و ترسمى خط ايلاينر عريض على طريقة الـ cat eye العادية خالص و هتعمليله جناح صغير على زاوية العين الخارجية . بننصحك تستخدمى جيل ايلاينر من ماركة NYX او MAC علشان تعملى اللوك ده .

حددى الجفن الى فوق برسمة cat eye عادية
حددى الجفن الى فوق برسمة cat eye عادية

الخطوة الثانية : حددى الجفن اللى تحت 

هى دى الخطوة اللى فيها الفكرة كلها ، بنفس الطريقة اللى رسمنا بيها الجفن اللى فوق فى الخطوة الاولى ، هتستخدمى فرشة الجيل ايلاينر و ترسمى خط عريض تانى على طريقة الـ Cat eye بس هتخلى الجناح بتاع الرسمة ناحية زاوية العين الداخلية . استخدمى اعواد القطن الخاصة بتنضيف الودان و مزيل المكياج علشان تظبطى الرسمة بتاعتك و تشيلى اى زيادات ، او ممكن تستخدمى الكونسيلر .

حددى الجفن اللى تحت
حددى الجفن اللى تحت

الخطوة الثالثة : استخدمى الماسكارا 

اخر حاجه هنعملها هى انك هتستخدمى ماسكارا مناسبة للكثافة على رموشك  و اسخدمى كمان اداة تني الرموش Lash Curler ، حطى طبقتين او 3 من الماسكارا علشان تدى رموشك اللون الاسود الغامق و الـ volume المناسب ، وممكن كمان تجربى تستخدمى ماسكارا بلون دهبى او ازرق على رموش الجفن اللى تحت كتغيير و لوك جديد :) . 

اللوك النهائى
اللوك النهائى

لو عجبتك الطريقة دى فى رسم الايلينر ، جربى كمان الـ Graphic Eyeliner و اعرفى ازاى تقدرى تعمليه بنفسك خطوة بخطوة .