طريقة رسم الـ Graphic Eyeliner بالصور و الفيديو خطوة بخطوة

الـ Graphic Eyeliner بيعتبر واحده من احدث و اجدد رسمات الـ eyeliner مع بداية موسم الشتاء ، غير انه شكله حلو و بيناسب العيون الواسعه او لاضيقة ، لكن كمان طريقته سهله و تقدرى تنفذيه من غير اى تعب او لغبطة ، فى المقال ده هنقولك ازاى ترسمى الـ Graphic Eyeliner لنفسك خطوة بخطوة و بالصور ..

طريقة رسم الـ Graphic Eyeliner بالصور خطوة بخطوة

الخطوة الاولى : ارسمى عينك بطريقة الـ cat eye 

يفضل تستخدمى ايلاينر سائل او لو مبتعرفيش تستخدميه بدليه بايلاينر قلم بس يكون سواده غامق و ارسمى عينك بطريقة الـ cat eye على الجفن اللى فوق و مدى خط الايلينر لبرة الجفن و لفوق .

الخطوة الثانية : ارسمى خط على الجفن اللى تحت 

على طول خط رموش الجفن اللى تحت هترسمى خط ايلاينر و على الزاوية الخارجية للجفن هترسمى زى جناح صغير وممكن تظطيه اكتر باستخدام اعواد القطن بتاعت تنظيف الودان علشان تشيلى اى زيادات و تظبطى بيها الجناح كويس .

الخطوة الثالثة : استخدمى الماسكارا

اخر خطوة هى انك تستخدمى الماسكارا على رموشك و بس . و بكده تكونى عملتى رسمة جديدة للايلاينر فى دقايق و بخطوات بسيطة و سهلة :) 

شوفى معانا كمان ازاى تختارى رسمة العين المناسبة و افضل ماركات واتر بروف ايلاينر Waterproof Eyeliner