اتميزي في الصيف والبسي الالوان النيون الملفتة
الالوان النيون من الالوان المميزة اوي والمناسبة للصيف لانها بتبين اوي لون تان البشرة اللي بناخده في الصيف ده بالاضافة للون الابيض طبعا بيظهروا لون البشرة اوي وبينوروها, عشان كده لازم يكون في دولابنا لون من الالوان النيون خلال فترة الصيف.
واكتر الالوان النيون اللي بتبقى حلوة اوي للصيف الاصفر, والوردي, والاخضر, والبرتقاني, والازرق, ولما نيجي نختار لون نيون نختار منه قطعة واحدة بس في لبسنا يعني ياما البنطلون او الجيبة او التوب يعني منلبسش كله نيون الا لو عايزة لوك جريء اكتر ممكن تلبسي القطعتين نيون بس الافضل انه يكون قطعة واحدة هتكون كافية جدا عشان اللوك ميبقاش اوفر اوي.
والالوان دي بتبقى حلوة جدا لما تتلبس على البنطلون الجينز الازرق ممكن تلبسي توب او بلوزة وعليهم بليزر هيطلع الشكل حلو جدا.
ولو انتي مش بتحبي تلبسي الالوان الجريئة او النيون اومترددة تلبسيها ممكن تكتفي بيها بس في الشنطة الشوز او الاكسسوريز تدي تاتش نيون بس للوك بتاعك.
تعالوا نشوف مع بعض ازاي تلبسي الالوان النيون في الصيف:
شوفي كمان استايلات تجنن باللون البينك الناري هتخليكي تضيفيه لدولابك
استايلات باللون البينك الناري