اتخلصى من تساقط الشعر بمكون واحد بس !
كل البنات بيهتموا بشعرهم و مظهره و صحته ، لكن دايما بتقابلنا مشكلة انه مهما نجرب و نستخدم و صفات او علاجات للاهتمام بشعرنا دايما بيفضل الشعر مقصف او ضعيف و بيتكسر او خفيف ش، و المشكلة الاكبر اللى دايما بنحس انه مالهاش حل هى مشكلة تساقط الشعر ، اللى مع الوقت و لما بيتكرر بنحس انه شعرنا بدأ حجمه او كثافته تخف و بنحس انه فى مناطق فى فروة الرأس بدأت تفضى و ده بيسببلنا احساس بالضيق و بنبقى مش عارفين نعمل ايه ، لكن علشان نعالج المشكلة دى لازم نعرف ايه هى اسباب تساقط الشعر، و فى المقال ده هنقدملك حل سحرى و بسيط لعلاج تساقط الشعر و بمكون واحدبس من مطبخك هو الملح ..
ايه هى فوايد الملح ؟
الملح بيدخل فى تكوين كتير من وصفات و العلاجات الطبية للعناية بالبشرة و الشعر لأنه غنى جدا بالمعادن و المواد المغذية للشعر و للبشرة ، علشان كده بنلاقى انه الملخ بيستخدم كتير جدا فى مراكز التجميل و Spa لانه بيساعد فى بيشيل طبقات الجلد الميتة و بيقوى نسيج البشرة و فروة الرأس و كمان فى تنشيط و تقوية الدورة الدموية .
ازاى استخدم الملح للقضاء على “تساقط الشعر ” ؟
الوصفة بسيطة جدا : اغسلى شعرك بالشامبو المعتاد و بالطريقة العادية و نشفيه بفوطة جافة بلطف .
خدى كمية مناسبة من الملح حسب كثافة و حجم شعرك و بالراحة فى حركات منتظمة دلكى بيه فروة رأسك فى كويس لمدة دقيقة .
اغسلى شعرك من الملح بمياة فاترة .
كررى العلاج ده مرتين اسبوعيا لمدة شهرين و هتلاحظى الفرق ، شعرك هيبقى اتقل و هيظهر فى المناطق اللى قلت فيها كثافة الشعر و بقت فاضية او خفيفة .
شوفى كمان وصفات نمو الشعر بمكونات من مطبخك و اعرفى معانا وصفات و ماسكات طبيعية لعلاج تساقط الشعر
