طريقة عمل “مانيكير المطر” بالصور خطوة بخطوة
موضة و اشكال المانيكير مابتخلصش ، و كل يوم بيطلع استخدام او شكل و رسمة جديدة و حلوة جدا للمانيكير و بنبقى دايما نفسنا نجربها ، و زى ما ” بنات حوا ” دابما بتجيبلنا كل جديد و تعرفنا ازاى نعمله بأسهل الطرق ، و كمان بتعرفنا اخر الصيحات و الموضة فى المانيكير زى مانيكير الفرو، و كمان ازاى تعملى مانيكير المية فى البيت لنفسك و طريقة عمل مانيكير الحبيبات او الكافيار خطوة بخطوة ، النهاردة كمان هتعرفى موضة او فن جديد للمانيكير اسمه مانيكير المطر و بعد المقال ده هتعرفى ازاى تعمليه بالخطوات و الفيديو و كمان صور و اقتراحات للاشكال اللى تقدرى تنفذيها لنفسك بأدوات بسيطة جدا و فى 3 خطوات بس .. !
الاشكال النهائية لـ مانيكير المطر :
– الادوات المطلوبة :
مانيكير شفاف .
- مانيكير بأى لون تفضليه .
– خطوات تطبيق مانيكير المطر خطوة بخطوة:
1- حطى طبقة متساوية من المانيكير الشفاف وسيبيها تنشف كويس .
2- حطى طبقة تانية من المانيكير الملون ” و يفضل يكون ماط او مطفى ” باللون اللى تحبيه و سيبيها تنشف .
3- فى الخطوة دى باستخدام المانيكير الشفاف اعملى نقط على مساحة الظافر بشكل عشوائى و بأحجام مختلفة ، و كررى الخطوة دى على كل الاظافر و سيبيها تنشف .
و بكده تكونى عملتى نوع او شكل جديد للمانيكير على الموضة و شكله حلو جدا .
