اتعرفي علي ادوات المكياج الاساسية واستخدماتهم

بقلمآية حسان فيمكياج visibility37890

كتير مننا بيبقوا نفسهم يحطول مكياج زى المحترفين علشان يطلع شكلهم حلو ومكياجهم مظبوط بس بيلاقوا صعوبة فى ده و ممكن نكون بنشترى ادوات ماكياج كتيرة جدا من غير مانكون عارفين ايه هى استخداماتهم بالضبط و ان كانوا مناسبين لنوع بشرتنا و لشكل الوجه ولا لا ، وكتير برده من البنات اللي مش بتحط مكياج خالص وبيسألونا ايه هي ادوات المكياج وإيه استعمال كل واحد منهم.. عشان كده حبنا النهرده نقدملكم الموضوع ده ونتعرف علي اهم ادوات المكياج الاساسية واستخدماتهم  …

1- كريم البرايمر : 

البرايمر هو كريم بيستخدم بعد كريم ترطيب الوجه و قبل الفاونديشن علشان يحمى الوش من آثار الفاونداشن وكمان بيساعد بشرتك إنها تكون مستعدة للفاونديشن وانه يتفرد على وشك اسهل و بشكل متساوى .

برايمر
برايمر

2- كريم ال BB :

كريمات ال BB هى من اجدد صيحات المكياج و بقت من اكتر ادوات المكياج استخداما دلوقتى ،و هى كريمات بتجمع بين فايدة الكريمات الواقية من الشمس و كريمات الترطيب وتغطية خفيفة لتوحيد لون البشرة وده ممكن نستعمله بدل كريم الأساس ويكون للاستعمال اليومي أو لو محتاجة تغطية خفيفة لبشرتك، اهتمى بانه يبقى عندك واحد من الكريمات دى لانها مفيدة جدا لبشرتك خصوصا فى ايام الصيف .

BB cream
BB cream

3- كريم الاساس او الفاونديشن : 

الفاونديشن او كريم الاساس بيستخدم كأساس لباقى ادوات المكياج اللى ممكن تستخميها ، بننصحك متستخدميش كريم الاساس الا على المناطق للى لونها مختلف عن باقى وشك ، ولو هتفردى كريم الاساس على الوش كله يبقى اكتفى بطبقة خفية بس ، اما اذا كان وشك لونه موحد فممكن تستغنى عن كريم الاساس بانك تستخدمى كريم مرطب مناسب كأساس لمكياجك أو كريم BB.

foundation
foundation

4- الكونسيلر : 

” خافى العيوب ” او الكونسيلر ، هو كريم وظيفته انه يخفى الهالات السوداء اللى بتتكون تحت العيون او ممكن كمان تستخدميه فى انك تغطى الحبوب الموجوده على الوجه ، و ممكن تستخدميه قبل ما تطبقى الفاونديشن او بعده . اتعرفي من هنا علي أنواع الكونسيلر وإزاي تختاري المناسب لاستعمالك.

الكونسيلر
الكونسيلر
كونسيلر
كونسيلر

5- blusher او احمر الخدود : 

و بيستخدم البلاشر او احمر الخدود علشان يديكى لوك لبشرة نضرة ، بيتطبق البلاشر على منطقة عظمة الخد و فى منه الدرجات الوردية و الدرجات البنية و البرونزية . شوفي إزاي تختاري اللون المناسب للون بشرتك

blusher
blusher

6- eyeliner  آيلينر أو الكحل : 

ال eyeliner بيستخدم لتحديد عنيكي و بيديها منظر جذاب جدا ، و كمان بيخليها تبان اوسع ، الآيلينر فى منه انوع كتيره زى السايل و القلم و الدبلينر ، و مهم جدا لو عايزه لوك مختلف لماكياجك و خصوصا منطقة العيون .

eyeliner
eyeliner
لازم تتعرفي علي أنواع الكحل والأيلينر واستخدماتهم
أنواع الكحل والأيلينر

7- احمر الشفايف او ” الروج ” : 

طبعا استخدام الروج معروف ، و موجود بأنواع و اشكال كتيرة جدا ، و علشان الروج يثبت ممكن تحطى طبقة خفيفة من كريم الاساس او الكونسيلر على شفايفك قبل تطبيق الروج .

روج
روج
روج
روج

8- البودرة : 

البودرة بتستخدم كطبقة ثانية بعد تطبيق الفاونديشن ، ومهم جدا تختارى البودرة صاحبة اللون الانسب لبشرتك . وفيه منها النوع المضغوط وده ممكن نستعمله علي طول مين غير طبقة الفاونديشن قبلها.

بودرة
بودرة

9- الماسكارا :

الماسكارا بتعتبر واحدة من أهم ادوات المكياج ، و فى منها انواع كتيرة جدا تقدرى تختارى منها الانسب للوك اللى انتى عايزاه ، لو عايزة تدى رموشك لوك كثيف او اطول او اغمق ، وكمان فى منها الالوان لكنها مش بتناسب كل المواقف او اللوك اللى عايزة تظهرى بيه ، فبننصحك انك تكونى دقيقة فى وقت استخدامها او انك تعتمدى على المسكارا السوداء طول الوقت وكمان تختاري العصايا المناسبة لطول رموشك.

ماسكارا
ماسكارا

10- ايشادو أو ظلال العيون:

بيلعب دور قوي جدا في رسمة العين وبيدها حيوية وبيظهر جمالها و يا إما بيدها الشكل الناعم يا إما الشكل السموكي القوي علي حسب طريقة تطبيقنا ليه وبيفضل اختياره لون يليق علي لون اللبس وكمان لون الروج. وممكن نستعمل منه أكتر من لون أو أكتر من درجة لنفس اللون وبندمجهم مع بعض.

ايشادو
ايشادو

11- قلم تحديد الحواجب : 

و الاقلام دى بتستخدميها لتحديد ورسم حواجبك و بتديها شكل مرتب اكتر ، وممن باستخدامها تخلى حواجبك عريضة او ترفعيها .

تحديد الحواجب
تحديد الحواجب
قلم تحديد الحواجب
قلم تحديد الحواجب

يفضل إننا نستعمل الفرشة المناسبة لكل ادوات المكياج اللي ذكرناهم دول ممكن تتعرفوا علي أنواع فرش المكياج من هنا .

زي ما اتعرفتي علي ادوات المكياج المختلفة لازم كمان تتعرفي علي صلاحية كل واحدة فيهم .

شوفي كمان 50 نصيحة للمكياج وادواته اللي شوفناها فوق لازم تكوني عرفاهم!

نصايح لكل ادوات المكياج
نصايح لكل ادوات المكياج