علامات تقولك انك بتستخدمي نوع شامبو مش مناسب لشعرك

ريهام محمود
ريهام محمود
574

اكيد الشامبو مهم جدا لتنضيف الشعر لكن لازم نعرف هل الشامبو اللي بنستخدمه مناسب لشعرنا ولا لا, عشان كده هنقولك علامات تعرفي منها انك بتستخدمي شامبو مش مناسب لشعرك والمفروض انك تغيريه.

ظهور فقاعات: طبيعي ان الشامبو يعمل رغوة على الشعر, ولكن لو ظهرت فقاعات ده معناه ان الشامبو فيه نسبة كبيرة من الكبريتات او السلفات وده زي ما كلنا عارفين يعتبر مكون قاسي جدا على الشعر وبيسبب ضرره, عشان كده لازم تتاكدي لما تيجي تشتري الشامبو من المكونات اللي عليه وتجيبي نوع يكون خالي من السلفات.

قشرة الشعر: يمكن يكون في كتير من البنات بيعانوا من مشكلة قشرة الشعر ومش عارفين سببها, السبب ممكن يكون نوع الشامبو لو مش مناسب هتلاحظي مع استخدامه ظهور قشرة الشعر وممكن تحسي بحكة خفيفة, في الحالة دي لازم تغيري نوع الشامبو.

شعر باهت: لو لقيتي شعرك مع الاستمرار في استخدام نفس الشامبو انه بهت وفقد لمعته, ولقيتي شعرك ملزق في بعضه مش ناعم وسلس معاكي يبقى ضروري انك تغيري نوع الشامبو.

جفاف فروة الراس: ضروري جدا اننا نحافظ على توازن فروة الراس يعني ولا تكون دهنية اوي ولا جافة اوي, لو حصل انك حسيتي بعدم توازن لفروة الراس باي شكل يبقى لازم تغيري الشامبو.

مقالات متعلقه

تأثير المية الساقعة والسخنة على الشعر

تأثير المية الساقعة والسخنة على الشعر

نصايح ليلية لجمالك باستخدام العسل

نصايح ليلية لجمالك باستخدام العسل

افردي شعرك بالنشا

افردي شعرك بالنشا