اتني رموشك باستخدام المعلقة

لو معندكيش Lash curler لتني رموشك ممكن بكل بساطة تستبدليها بالمعلقة.

1- هاتي معلقة عادية اول حاجة عقميها بالكحول ، وعند الجزء اللي فيه كيرف او منحني في المعلقة حطيه بمحاذاه خط الرموش بتاعك بحيث الرموش تبقى فوق الجزء المنحني بتاع المعلقة.

2- الخطوة دي اختياري ، لو حسيتي انك محتاجة تني الرموش بشكل اقوى ، ممكن تسخني المعلقة شوية بالسيشوار توجهي عليها الهوا السخن لمدة ثواني ، وقبل ما تحطيها على عينيكي شوفي درجة سخونيتها بايدك هتعرفي اذا كانت سخنة اوي او محتاجة تسيبيها تبرد شوية.

3- بعدها ابدأي اضغطي على الرموش بالراحة في اتجاه الجزء المنحني من المعلقة ، وكرري ده على طول خط الرموش لحد ما المعلقة توصل للزاوية الداخلية للعين.

4- بعد تني الرموش مباشرة حطي الماسكارا ، عان تضمني الحفاظ على الرموش متنية وكثيفة بقدر الامكان.