كريم الفازلين لترطيب وتفتيح البشرة
خلال فصل الشتا بشكل خاص البشرة ممكن تتعرض للجفاف ويبقى شكلها باهت, وبتحتاج ترطيب زيادة, عشان كدهالنهاردة هنقولكم على طريقة كريم هتساعد على ترطيب البشرة والجسم, وكمان ممكن تستخدميه لتفتيح منطقة تحت الابطين.
المكونات:
2 معلقة كبيرة فازلين طبي.
معلقة كبيرة زيت لوز حلو.
معلقة صغيرة زيت فيتامين E.
كام نقطة من عصير الليمون.
طريقة التحضير:
دوبي الفازلين على حمام مية سخنة وبعدين تضيفي له باقي المكونات, وتقلبيهم كويس لحد ما يمتزجوا مع بعض, بعدها ارفعي الخليط من على حمام المية السخنة واحفظيه في علبة زجاج نضيفة, وسيبيه شوية لحد ما الخليط يتجمد ويبقى كريمي, وكده الكريم يبقى جاهز ادهني منه كل يوم قبل النوم على البشرة او الجسم.
وممكن تحطي منه على منطقة تحت الابطين لتفتيحها, وكمان بيعالج تشققات القدمين ادهنيه بالليل قبل النوم والبسي شراب هيساعد على علاج التشققات وتنعيم الرجل.