أفضل تكنيك لوضع الماسكارا بخطوات بسيطة وسهلة

فى طرق كتيرة و مختلفة علشان تستخدمى بيها الماسكارا و تعملى بيها رموش كثيفة و تقيلة زى ما هو مطلوب، لكن الطريقة او التكنيك ده بيعتبر هو الاسهل و الافضل لحد دلوقتى، اعرفى معانا فى خطوات بسيطة ايه هو أفضل تكنيك لوضع الماسكارا ، المميز فى الطريقة دى انها بتساعدك تطبقى الماسكارا على الرموش كلها من بداية الجذور للأطراف فبتقدرى كده تعملى effect الرموش الصناعية، حتى الرموش الصغيرة فى الزوايا الداخلية والخارجية للعين.

1- استخدمى الماسكارا المعتادة اللى بتستخدميها، ويفضل تستخدمى ماسكارا من drug store . 

2- هنستخدم فى التكنيك ده فرشة ماسكارا عادية، لكن هتتنيها بزاوية 45 درجة، لانه كده هتقدرى تتحكمى فى الفرشة اكتر و هتديكى تغطية متكاملة.

3- ابدأى طبقى الماسكارا على رموشك عادى وبعد كده على الرموش الموجودة فى الزوايا الداخلية و الخارجية للعين، وبعد كده حطى الماسكارا على رموش الجفن السفلى.