اعملي مية الورد بنفسك في البيت

مية الورد من الحاجات المفيدة جدا للبشرة والشعر واحنا اتكلمنا قبل كده على فوايدها بالتفصيل والنهاردة جايبين لكم طريقة مية الورد تعمليها بنفسك في البيت بطريقة سهلة جدا.

المكونات:

كوباية بتلات ورد “ورق الورد البلدي تقريبا وردتين”.

زيت فيتامين E “اختياري”.

ازازة فاضية.

الطريقة:

اشطفي اوراق الورد كويس بالمية عشان تنضفيه.

هاتي حله امليها بمية مقطرة او مفلترة كمية كافية تغطي الورد.

حطيها على نار هادية جدا وسيبيها تغلي لحد ما ورق الورد لونه يروح.

صفي المية واحفظيها في الازازة للاستخدام, وعشان تزودي فايدتها ممكن تضيفي لها زيت فيتامين E.