سكراب الموز والسكر لتقشير الجسم

السكراب ده من الطرق الممتازة جدا لتقشير وترطيب الجسم وخصوصا البشرة اللي بتعاني من جفاف زيادة لان مكوناته كلها مفيد جدا للبشرة, الموز بيحتوي على فيتامين C و B6 والمواد المضادة للاكسدة والمنجنيز, والسكر بيساعد على ازالة خلايا الجلد الميتة, زيت جوز الهند بيعمل كمرطب للبشرة ومضاد للميكروبات, زبدة الشيا غنية بفيتامين A, وفيتامين E غني بالمواد المضادة للاكسدة اللي بتحمي خلايا البشرة من التلف وبيحارب التجاعيد والخطوط الرفيعة وعلامات الشيخوخة وكمان مرطب ومغذي للبشرة.

المكونات:

1/4 كوباية زبدة شيا.

1/4 كوباية زيت جوز هند.

1/4 كوباية زيت فيتامين E.

موزة مستوية.

1 كوب سكر خشن.

الطريقة:

اخلطي المكونات كلها مع بعض ماعدا السكر واضربيهم في البلندر لحد ما يبقى الخليط ناعم ضيفي عليه السكر وقلبيه كويس, وكده يبقى جاهز للاستخدام كسكراب للجسم اغسلي الجسم بمية دافية عشان تفتحي المسام وبعدين افركيه بالسكراب في حركات دائرية كويس جدا وبعدين اغسليه.