زيت لعلاج الجلد الجاف حوالين الضوافر
احيانا استخدام المانيكير كتير زيادة عن اللزوم بيأثر على الجلد اللي حوالين الضوافر وبيخليه جاف بالاضافة طبعا لاسباب تانية زي شغل البيت او الجو وخصوصا في البرد الجلد بيبقى جاف جدا عشان نتخلص من المشكلة دي النهاردة هنعرف طريقة زيت لعلاج الجلد الجاف اللي حوالين الضوافر.
المكونات:
زيت لافندر.
زيت كافور.
زيت جريب فروت “لو مش متوفر ممكن زيت برتقان”.
زيت النعناع.
زيت جوز هند او زيت زيتون او زيت الارجان.
فيتامين E.
ازازة فاضية 100 ملل او ازازة مانيكير فاضية.
الطريقة:
هاتي الازازة تكون نضيفة ومغسولة كويس ضيفي فيها 15 نقطة من زيت اللافندر, 10 نقط من زيت الكافور, 10 نقط من زيت الجريب فروت او البرتقان, 5 نقط من زيت النعناع, 1 ملل فيتامين E, واملي باقي الازازة بزيت جوز الهند, واقفلي الازازة ورجيها كويس لحد ما كل المكونات تختلط مع بعض, حطي منها على الجلد حوالين الضوافر وافركيها بصوابعك لحد ما البشرة تتشرب الزيت, وكل ما تحسي ان الجلد جاف ادهني منه مرتين في اليوم بس رجيه قبل كل استخدام.