السمسم لزيادة الوزن

لكل البنات اللي نفسهم يتخنوا ويزودا وزنهم النهاردة جيبنالهم اسهل طريقة لزيادة الوزن وهي خلطة السمسم.

السمسم من الحاجات المعروف بقيمتة الغذائية العالية جدا لانه فيه مجموعة من الفيتامينات زي فيتامين B2, B6, وحمض الفوليك, والمعادن زي الكالسيوم, والفوسفور, المغنسيوم, الحديد, النحاس, والبروتينات, والاحماض الامينية, ومضادات الاكسدة يعني بيمد الجسم بالمواد الغذائية وبيساعد على زيادة الوزن بشكل فعال.

المكونات:

سمسم محمص ومطحون.

لبن كامل الدسم.

سكر.

الطريقة:

هتضيفي على كوباية اللبن 3 معالق سمسم مطحون و 3 معالق سكر او عسل ابيض وتقلبيهم كويس وتشربيه يوميا من مرتين لتلات مرات في اليوم, وياريت يكون في كوباية قبل النوم على طول.

استمري عليه لحد ما توصلي للوزن اللي انتي عايزاه.

ولو عايزة زيادة وزن بشكل سريع ممكن تحطي اضافات تانية مع الحاجات اللي احنا قولناها ضيفي 3 معالق لبن بودرة وقرصين خميرة وقلبيهم كويس في كوباية اللبن لحد ما الخميرة تدوب خالص واشربيه.