نصيحة في صورة من بنات حوا
هنا في نصايح بنات حوا السريعة بنقدملك كل اللي محتاجة تعرفيه عن جمالك, مكياجك, شعرك, بشرتك, اظافرك وأكتر بطريقة نصيحة في صورة... معلومات وحيل جديدة كل يوم هتسهل حياتك وتخليكي دايما متألقة ومتجددة وعلي الموضة :)
وصفة لشد وترطيب الصدر
لو عايزة تحافظي على شكل صدر مثالي ومشدود, وتحافظي على الجلد مرن ورطب, ادهني الصدر كل يوم قبل النوم بالفازلين في حركات دائرية, بعد اسبوعين بس من استخدام الطريقة دي هتلاحظي الفرق على شكل الصدر انه بقى مشدود اكتر والجلد ناعم ورطب.
حافظي على بشرتك فريش ومنتعشة لاخر اليوم
في الصيف وحرارة الجو كلنا تقريبا بنعاني من ان البشرة بتبان مجهدة وتعبانة من الحر والرطوبة, وعشان نحافظ عليها شكلها فريش ومنتعش لاخر اليوم, جربي معانا الوصفة دي.
اخلطي كمية من جل صبار الالوفيرا هاتيه من الصيدلية او هاتي ورقة صبار وطلعي منها الجل مع ضعف الكمية 3 مرات مية, يعني لو هتحطي مثلا معلقة جل يبقى تضيفي لها 3 معالق مية وهكذا مع اي كمية هتعمليها.
حطي الخليط في ازازة ببخاخ ورجيها كويس, وخليها في شنطتك رشي منها على مدار اليوم على بشرتك.
اعملي الماسك الاسود الPeel Off بنفسك في البيت
كلنا عارفين الماسك الاسود او الPeel off وفوايده في تنضيف المسام والبشرة وتفتيحها وتوحيد اللون, والماسك بيتباع جاهز في كتير من الصيدليات, بس النهاردة هنقولك تعمليه ازاي بنفسك في البيت.
المكونات:
2 معلقة كبيرة اقراص فحم مطحونة.
1 1/2 معلقة كبيرة.
الطريقة:
اول حاجة هندوب الجيلاتين في حمام مية سخنة, او في الميكروويف لحد ما يبقى سايل, هنضيف له الفحم المطحون ونقلبه معاه لحد ما يمتزجوا مع بعض كويس جدا, هنفرد الخليط على البشرة ونسيبة لمدة 30 دقيقة وبعدين نقشره من على البشرة من تحت لفوق عكس اتجاه الشعر.
علاج حروق الشمس
لو بتعاني من حروق الشمس والتهاب واحمرار الجلد ممكن تعالجيها بوصفة بسيطة جدا اخلطي كمية من صودا الخبز “الكربوناتو” بالمية وطبقي الخليط على المناطق اللي فيها حروق وسيبيها من 10 – 15 دقيقة وبعدين اغسليها بالمية, الوصفة دي بتهدي احمرار والتهاب الجلد.
وصفة لازالة الرؤوس السودا
المكونات:
1 معلقة كبيرة دقيق.
معلقة صغيرة عسل نحل.
1 معلقة صغيرة مية دافية.
الطريقة:
اخلطي المكونات كلها مع بعض وامزجيهم كويس جدا, اغمسي قطعة قطن او قطعة قماش صغيرة في الخليط وحطيها على المنطقة اللي فيها رؤوس سودا وسيبيها من 10 – 15 دقيقة وبعدين شيليها واغسلي المكان بالمية الدافية وبعدين مية باردة عشان تقفلي المسام.
وصفة لتقوية الاظافر
المكونات:
كميات متساوية من زيت جوز الهند وعسل النحل “اعملي اي كمية انتي عايزاها”.
كام نقطة من زيت اللافندر.
الطريقة:
اخلطي المكونات كلها مع بعض وادهني بيها الضوافر يوميا, وممكن تحتفظي بالخليط في اي ازازة مانيكير فاضية عندك وتدهني الخليط بفرشة المانيكير هيكون افضل.