نصايح بنات حوا السريعة لجمال البشرة

وصفة طبيعية لتبييض المنطقة الحساسة

المكونات:

معلقة نسكافية او قهوة.

معلقة عصير ليمون.

1/2 معلقة فانيليا.

مية ورد.

الطريقة:

اخلطي النسكافية او القهوة مع عصير الليمون والفانيليا وقلبيهم, ضيفي مية الورد بالتدريج لحد ما يبقى الخليط عندك قوامه متوسط ولا سايل ولا سميك, اغسلي المنطقة الحساسة كويس بالغسول او بالمية والصابون واعملي سكراب الاول للمنطقة بزيت زيتون وسكر, او ملح وزيت زيتون, وبعدين اغسليها مرة تانية وحطي الخليط على المنطقة وسيبيه ربع ساعة او لحد ما ينشف وبعدين اغسليه, كرري الوصفة من مرتين لتلات مرات في الاسبوع لحد ما توصلي للنتيجة اللي انتي عايزاها.

غسول طبيعي للوش هيخلي بشرتك تبان اصغر ب20 سنة في اسبوع واحد بس

غسول بمكونين اتنين بس لو دخلتيه في روتينك اليومي للعناية بشرتك هيغير ملمس وشكل البشرة ويخليها صحية جدا, ونتيجته كمان بتبان من اول استخدام, تعالوا نعرفوا مع بعض.

المكونات:

1 معلقة كبيرة قهوة.

1 1/2 معلقة كبيرة لبن.

الطريقة:

في بوله او طبق صغير اخلطي القهوة مع اللبن كويس لحد ما تكون عندك عجينة سميكة, سيبيها تمتزج مع بعض لمدة 5 دقايق, وبعدين خدي الخليط اعملي بيه تدليك لبشرتك في حركات دائرية, وسيبيه على البشرة ينشف لمدة من 15 – 20 دقيقة, بعدها اغسلي بشرتك بمية باردة.

اللبن بيساعد على تغذية البشرة, بيرطب وينعم الجلد, والقهوة بتجدد البشرة, بتنضف المسام بعمق, بترطب الجلد, بتزيل الجلد الميت, بتساعد على علاج الندبات والتجاعيد وبالتالي هتبين بشرتك اصغر.

إيه أحسن اماكن تحطي فيها برفان عشان يدوم طول اليوم؟

أحسن أماكن تحطي فيها برفان هي, ورا الودن والرقبة وديه الاماكن المعروفة, فيه 3 اماكن تانيين مهمين هما, المعصم, داخل منطقة الكوع, و ورا الركبة.

اتخلصي من الشعر الزائد نهائيا بمكون واحد بس

النهاردة جايبين لبنات حوا طريقة هتخلصك من الشعر بشكل نهائي باستخدام مكون واحد بس موجودة في كل بيت وهو الملح, الملح ليه تأثير فعلا جدا في التخلص من الشعر الزائد بشكل نهائي, الطريقة ببساطة بعد ما تزيلي الشعر الزائد ويفضل تكون الازالة بالسويت او الشمع مش بالمكنة, ياما هتعملي محلول ملحي في البيت وهو عبارة عن 1/2 معلقة ملح تضيفيها على كوباية مية وتغطيها وتسيبيها تغلي على النار لمدة 15 دقيقة وبعدين ترفعيها من على النار وتسيبيها تبرد وتدهني بيها اي منطقة شيلتي منها الشعر يوميا, واحتفظي بيه في ازازة في التلاجة للاستخدام اليومي.

او تجيبي محلول ملحي جاهز هنلاقيه في الصيدلية, هتستخدميه بنفس الطريقة تدهني بيه المنطقة وتحتفظي بيه في التلاجة.

اعملي الطريقة دي بعد كل مرة تشيلي فيها الشعر هتلاقي الشعر بدأ يتأخر في الظهور وهيقل بالتدريج وهيبطل يطلع بشكل نهائي.

سيروم لتفتيح البشرة وعلاج الحبوب والبقع

النهاردة جايبين لبنات حوا طريقة سيروم للبشرة مكوناته بسيطة جدا لكن مفيد جدا ومفعولة هايل على البشرة, لان مكوناته كلها ليها تاثير فعال جدا في علاج مشاكل البشرة وهي الكركم اللي يعتبر مطهر طبيعي للبشرة ومضاد للجراثيم, بينشف الحبوب وبيساعد على علاجها, بيفتح البقع الغامقة, وبيساعد على تفتيح البشرة.

وتاني مكون هو زيت اللوز الحلو بيساعد على تحسين البشرة وبيحافظ عليها صحية, ومغذي ومرطب طبيعي للبشرة.

تالت مكون هو جل الصبار اللي كمان يعتبر مرطب للبشرة, بيمنع شيخوخة الجلد والتجاعيد, وبيحافظ على نضارة البشرة.

المكونات:

معلقة صغيرة زيت كركم “متوفر عند العطار”, ولو مش متوفر ممكن نعمله في البيت هنجيب 2 كوب زيت جوز هند نسختهم على نار هادية ونضيف لهم 2 معلقة كبيرة كركم مبشور ناعم اوي ونقلبهم مع بعض على النار لمدة دقيقة, وبعدين نرفعه من على النارو نسيبه يبرد وكده يبقى زيت الكركم جاهز عندنا ممكن نحتفظ بيه في اي ازازة او برطمان ونستخدمه.

4 معالق كبيرة جل الالوفيرا.

معلقة صغيرة زيت لوز حلو.

الطريقة:

الطريقة بسيطة جدا هنخلط كل المكونات مع بعض ونقلبهم كويس, ونحتفظ بيهم في برطمان صغير, وندهن البشرة من السيروم كل يوم قبل النوم ونغسله الصبح.

سيروم لتفتيح البشرة والجسم بشكل فعال

النهاردة جايبين لكل بنات حوا طريقة سيروم طبيعي تعمليه بنفسك في البيت بمكونات بسيطة, هيساعدك على تفتيح البشرة بشكل فعال جدا, هيفتح الاماكن الغامقة في الجسم, هيفتح اي بقع غامقة, هيزيل حروق الشمس, وهيساعد على علاج جفاف وتلف البشرة وهيرطبها.

ياللا نبدأ مع بعض نعرف مكونات وطريقة السيروم

المكونات:

كوباية بتلات ورد.

من 3 – 4 معالق كبيرة لبن.

معلقة كبيرة جليسرين.

2 كبسولة فيتامين E.

معلقة كبيرة فازلين.

5 معالق كبيرة جل الالوفيرا.

طريقة تحضير لبن الورد:

اول حاجة هنحضر لبن الورد, هنجيب البتلات نحطها في البلندر او الميكسر هنضيف عليها اللبن ونضربهم مع بعض لحد ما يبقى عندنا خليط سميك شوية, حطيه على مصفي واضغطي عليه بالمعلقة عشان تستخرجي السائل منه.

طريقة تحضير السيروم:

دلوقتي بقى هنحضر السيروم مع بعض هنجيب لبن الورد اللي احنا عملناه نضيف عليه الجليسرين وممكن تزودي كمية الجليسرين لو عايزة الخليط يبقى سميك اكتر ويطلع معاكي كريم مش سيروم.

بعد ما ضيفنا الجليسرين هنفتح كبسولتين زيت فيتامين E ونضيفهم للخليط, وبعدين نضيف الفازلين, ونقلب المكونات كلها مع بعض كويس.

بعد ما يمتزجوا هنضيف للخليط جل الالوفيرا ونقلبهم تاني مع بعض هيبقى عندنا خليط قوامه متوسط مش سميك اوي ولا خفيف, وكده يبقى السيروم جاهز عندنا للاستخدام.

كل اللي هتعملية انك هتدهني السيروم على البشرة او الجسم كله كل يوم قبل النوم وتغسليه الصبح, والنتيجة تظهر بعد شهر.

ممكن تشوفوا الطريقة بالفيديو: