مي عمر اللي فاجئتنا من 3 شهور بس بولادة بنتها سيلين قدرت تستعيد رشاقتها بعد الولادة في وقت قياسي! برافو مي اعتقد إن فيه بنات كتير قوي بيحاولوا يوصلوا للنتجية دي وإنتي اديتيهم قدر كبير من الحماسة والتشجيع باللي قدرتي تحققيه.
سارة سلامة تستمتع بيوم علي البحر وشدنا في الصورة حاجتين أولهم لوك سارة بنضارة الشمس ال over-sized و تانيهم درجة التان الروعة اللي وصلتلها.
مريام فارس بتقضي يوم مع عيلتها في جنينة الحيوانات والمعروف عن مريام اهتمامها الشديد بخصوصيتها.. يعني مش بنلاقيها بتشارك متابعينها بصور لعيلتها جوزها أو ابنها عشان كده مريم في الصورة ديه صورت نفسها مع الفيل وجزء صغير قوي من شعر ابنها!! تفتكروا بتخاف من الحسد؟؟ :D
مع اننا بنفضل درجات الروج الغامقة في الشتا والخريف والألوان الفاتحة أو النيود للصيف بس احنا مقدرناش نخبي اعجابنا بروج Melted Matte – Drop Dead Red من ماركة مكياج too faced أو توفيسد.. لوك رائع لو عندك سهرة أو مناسبة بالليل.
مقدرناش نقاوم جمال الجزمة ستايل slip-on أو سليب اون باللون الدهبي اللامع اللي ماركة ستراديفاريوس بتقدمها للوك مريح وكاجوال لصيف 2018.. مين نفسه فيها؟؟
دنيا سمير غانم في لوك فورمال باللون الاصفر جلسة تصوير ولوك جديد عليها بس عجبنا جدا جدا .. بيعجبنا كمان في دنيا تشجيعها للمصممين المصريين عشان كده اخترت البدلة من تصميم الديزينر المصرية شاهندة حجازي واللي اشرف علي اللوك الكامل لدنيا الستايلست ياسمين عيسى.